Gweithlu practis cyffredinol: 31 Rhagfyr 2020 i 30 Mehefin 2021

Prif ffynhonnell y data a ddefnyddir yw’r System Adrodd Genedlaethol y Gweithlu Cymru (WNWRS). Cymerwyd y data o'r system hon a bu'n destun prosesau dilysu llawn gan Bartneriaeth Cydwasanaethau'r GIG. Mae ystadegau o'r ffynhonnell hon ar eu dechrau, felly mae'r datganiad hwn yn cael ei ddosbarthu fel ystadegau arbrofol.

Prif bwyntiau ar 30 Mehefin 2021

• 392 o bractisau meddygon teulu gweithredol.
• 2,002 o ymarferwyr meddygon teulu (gan gynnwys partneriaid, darparwyr a meddygon teulu cyflogedig ond gan eithrio cofrestryddion, ymarferwyr cyffredinol wrth gefn a meddygon locwm).
• 367 o gofrestryddion practisau meddygon teulu (hyfforddeion mewn rhaglen hyfforddi arbenigol i feddygon teulu, wedi’u lleoli mewn practis meddyg teulu ar hyn o bryd).
• 28 o ymarferwyr cyffredinol wrth gefn (meddyg teulu yn y cynllun ymarferwyr cyffredinol wrth gefn, dim ond yn gallu ymarfer hyd at 4 sesiwn glinigol yr wythnos). 
• Erbyn hyn mae data yn cael eu cyhoeddi ar gyfer locymiaid sy'n gweithio mewn practisau (o'r chwarter sy'n dod i ben ar 30 Mehefin 2021); caiff hyn ei gasglu wrth i’r locymiaid gofnodi manylion eu sifftiau yn system Locum Hub Wales; fe wnaeth 412 o feddygon teulu locwm wneud sifftiau yn ystod y cyfnod rhwng 1 Ebrill a 30 Mehefin 2021.
• 1,408 o nyrsys cofrestredig.
• 1,237 o staff gofal uniongyrchol i gleifion.
• 5,345 o staff gweinyddol neu anghlinigol arall mewn meddygfeydd.