Ymunwch â ni i lunio system addysg sy'n gwasanaethu pob dysgwr yng Nghymru.
Wrth i ni gyflawni ein rhaglen uchelgeisiol i hybu safonau addysgol ledled Cymru, mae Llywodraeth Cymru yn sefydlu Grŵp Cynghori Penaethiaid Gweinidogol (y Grŵp ) newydd fel conglfaen i'n strategaeth gwella ysgolion. Daw'r fenter hon ar adeg dyngedfennol pan fyddwn yn blaenoriaethu llythrennedd a rhifedd, cynyddu presenoldeb a chyrhaeddiad, a sicrhau bod ein diwygiadau addysgol yn cael effaith ystyrlon.
Fel aelod, byddwch yn:
- cael cyfle i ymgysylltu ag Ysgrifennydd y Cabinet dros Addysg
- cefnogi gwaith y Tîm Gwella Addysg newydd
- arwain trafodaethau rhanbarthol a chadeirio fforymau cenedlaethol
- ymgysylltu mewn ymchwil a datblygu polisi strategol
Mae'r pecyn gwybodaeth yn cynnwys y canlynol i'ch helpu gyda'ch cais:
- pwrpas y Grŵp a gwybodaeth, gan gynnwys disgrifiad rôl a manyleb y person
- sut i wneud cais
- y broses ddethol
Sut i wneud cais
I ymgeisio i fod yn aelod o'r Grŵp, anfonwch y dogfennau canlynol i educationinwales@llyw.cymru:
- datganiad personol, a ddylai fod rhwng 1200 a 1500 o eiriau, gan ddangos sut rydych chi'n bodloni pob un o'r meini prawf a nodir ym manyleb y person
- CV gyda manylion byr eich swyddi cyfredol a mwyaf diweddar
- ffurflen recriwtio wedi'i chwblhau sy'n casglu gwybodaeth sydd ei hangen ar Lywodraeth Cymru i brosesu eich cais, ac i sicrhau ei fod yn cael ei brosesu'n deg
Y dyddiad cau ar gyfer ceisiadau yw 12 hanner dydd, dydd Gwener 11 Ebrill 2025.
Bydd ymgeiswyr llwyddiannus yn dechrau eu hapwyntiad ym mis Mehefin 2025.