Grant Cymorth Profedigaeth Cenedlaethol 2025 i 2028: sefydliadau llwyddiannus

Bydd deunaw elusen yn cael arian gan y Grant Cymorth Profedigaeth dros y tair blynedd nesaf. Bydd y grant hwn yn cefnogi'r rhai sy'n profi colled, gan roi cymorth arbennig i bobl ym maes ffermio a'r rhai sy’n wynebu mathau cymhleth o alar.

Sefydliad DPJ

Cymorth profedigaeth ym maes ffermio

Bydd y prosiect yn cefnogi iechyd meddwl y rhai sydd mewn profedigaeth yn y gymuned amaethyddol yng Nghymru ac yn genedlaethol.

Powys, Mind Canolbarth a Gogledd Powys

Prosiect cymorth profedigaeth Powys

Diben y prosiect cymorth profedigaeth fydd mynd i'r afael ag anghenion profedigaeth unigolion o bob oedran ledled Powys.

Sandy Bear

Cymorth profedigaeth Sandy Bear

Nod y prosiect yw gwella ac ehangu cymorth i blant, pobl ifanc a theuluoedd yn y Gorllewin ac Abertawe.

Gwirfoddolwyr Hosbis yn y Cartref Aberystwyth a'r Cylch (HAHAV)

Tyfu o gwmpas galar 

Bydd y prosiect yn creu rhwydweithiau gofal profedigaeth yng Ngheredigion i helpu pobl i gefnogi ei gilydd. 

2wish

Prosiect cymorth ar unwaith 2wish

Bydd y prosiect yn darparu cymorth ar unwaith ledled Cymru i'r rhai yr effeithir arnynt gan farwolaeth sydyn plentyn neu berson ifanc.

Marie Curie

Gwasanaeth Gwybodaeth a Chymorth Profedigaeth Cymru (BISS)

Bydd y prosiect yn adeiladu ar wasanaethau llwyddiannus Marie Curie i sicrhau mynediad teg at gymorth profedigaeth ledled y wlad.

Platfform

Cymorth profedigaeth Lles Platfform

Bydd y prosiect yn darparu cymorth profedigaeth a chwnsela yng Nghaerdydd ac Abertawe. Bydd cymorth ar-lein ar gael ledled y wlad.

Ty Hafan

Gwasanaeth cymorth profedigaeth gwell

Bydd y prosiect yn gwella ac yn ehangu gwasanaeth profedigaeth Tŷ Hafan i blant a theuluoedd. Bydd yn darparu cymorth ledled y wlad.

Tŷ Gobaith

Cymorth teuluol i'n teuluoedd mewn profedigaeth sy'n byw yng Nghymru

Bydd y prosiect yn ariannu Gweithiwr Cymorth i Deuluoedd ar gyfer pob hosbis. Bydd hyn yn cefnogi teuluoedd yn y Gogledd a Phowys.

The City Hospice Trust Limited

Gadael neb heb gymorth

Bydd y prosiect yn cynnig cwnsela allgymorth yng Nghaerdydd. Bydd yn helpu pobl ag anghenion profedigaeth cymhleth. Bydd hefyd yn cefnogi'r rhai sy'n ei chael hi'n anodd cael cymorth.

Gofal Hosbis Dewi Sant

Prosiect cymorth profedigaeth gofal hosbis Dewi Sant

Bydd y prosiect yn darparu cymorth profedigaeth amserol i oedolion. Bydd yn gwasanaethu ardaloedd Blaenau Gwent, Caerffili, Sir Fynwy, Casnewydd, Torfaen, a Phowys. Bydd yn helpu'r rhai sy'n colli rhywun annwyl iddynt.

HOPE Trust Cardiff CIO (Sefydliad Corfforedig Elusennol), The Junction

The Junction

Bydd y prosiect yn cefnogi dynion a menywod yng Nghaerdydd sydd wedi colli baban. Mae hyn yn cynnwys cymorth ar gyfer camesgoriad, marw-enedigaeth, colli baban newydd-anedig, y cyfnod ar ôl erthyliad, anffrwythlondeb, a beichiogrwydd yn dilyn colled.

Canolfan Felin Fach

Enfys Alice

Bydd y prosiect yn darparu cymorth tosturiol, lleol i'r rhai sydd wedi'u heffeithio gan hunanladdiad yn y Gogledd. Mae model Enfys Alice yn nodi'r weledigaeth ar gyfer cymorth ar ôl hunanladdiad.

ACE, Gweithredu yng Nghaerau a Threlái

Cydgynhyrchu cymorth profedigaeth cynhwysol

Bydd y prosiect yn helpu cymunedau Du, Asiaidd ac Ethnig Leiafrifol Caerdydd. Bydd hefyd yn cefnogi oedolion ag anableddau dysgu i gael y cymorth cywir pan fydd ei angen arnynt.

Gofal mewn Galar Cruse (Cruse Cymru)

Gwasanaeth ymateb arbenigol i brofedigaeth Cymru

Bydd y prosiect hwn yn gwella mynediad at wasanaethau profedigaeth i'r rhai yr effeithir arnynt gan golled sydyn neu drawmatig. Bydd yn mynd i'r afael ag annhegwch yn y cymorth sydd ar gael i gymunedau Du, Asiaidd ac Ethnig Leiafrifol a grwpiau amrywiol eraill. Bydd y gwasanaethau hyn ar gael ledled y wlad.

Sefydliad Paul Sartori

Darparu cymorth cynaliadwy i oedolion mewn profedigaeth yn Sir Benfro

Bydd y prosiect yn parhau â gwasanaeth cwnsela'r elusen yn Sir Benfro. Bydd yn cwrdd â'r galw mewn ffordd gynaliadwy ac yn gwella'r gwasanaeth.

Age Cymru Dyfed ac Age Cymru Powys

Gwasanaeth profedigaeth pobl hŷn Dyfed-Powys

Bydd y prosiect peilot hwn yn mynd i'r afael ag anghenion cymorth profedigaeth unigryw oedolion hŷn yng nghefn gwlad y canolbarth a'r gorllewin. Bydd yn canolbwyntio ar ardaloedd Sir Gaerfyrddin, Sir Benfro, Ceredigion, a Phowys.

Llamau

Gwasanaeth cymorth profedigaeth Llamau

Bydd y prosiect yn parhau i gynnal a darparu'r gwasanaeth cymorth profedigaeth cenedlaethol gwerthfawr hwn. Bydd yn diwallu anghenion galar a cholled pawb sy'n cael eu cefnogi gan yr elusen, ac sy'n gweithio yno. Mae hyn yn cynnwys cymorth cwnsela arbenigol. Mae hefyd yn darparu mynediad at adnoddau ar-lein a modiwlau e-ddysgu byrion. Mae'r modiwlau hyn yn codi ymwybyddiaeth o faterion profedigaeth ymhlith ein cydweithwyr.