Gofynion ffotograffau â geotag: Grantiau Bach – Amgylchedd (creu gwrychoedd)

Am fanylion llawn:

• beth yw ffotograff â geotag, a
• sut i gymryd un 

gweler: Grantiau a thaliadau gwledig: canllawiau ffotograffau â geotag. 

Gallwch gynnal yr opsiwn Creu Perthi/Gwrychoedd yn y mannau a ganlyn:

• Ar hyd ffiniau caeau presennol lle nad oes perth/gwrych wedi bod yno o’r blaen.
• O fewn caeau, er mwyn creu ffiniau newydd.
• Ar gloddiau (cloddiau pridd a chloddiau cerrig). Ni ddylai fod unrhyw dyfiant prennaidd ar y clawdd o gwbl.
• Ar gloddiau sydd â rhai planhigion perthi prennaidd yn dal yno. (Bydd bylchau mawr rhwng y gweddillion hyn, ac ni fyddant yn cael eu tocio â pheiriant).
• Ar gloddiau â pherth lle y mae rhai coed aeddfed wedi’u cadw yno. (Nid rhes ddi-fwlch o goed).
• Er mwyn llenwi bylchau sy’n 20m neu fwy mewn perthi/gwrychoedd sy’n bod.

Nid yw’r opsiwn hwn ar gael i chi os:

• oes planhigion perthi’n tyfu’n ddi-fwlch ar y darn y bwriedir ei blannu ar ei hyd.
• oes rhes ddi-fwlch o goed aeddfed eisoes.
• yw gweddillion y berth/gwrych wedi eu torri neu eu tocio â pheiriant er mwyn cynnal y berth/gwrych.
• ydych yn cau bylchau llai nag 20m o hyd mewn perth/gwrych

Os oes gennych unrhyw broblemau pellach, cysylltwch â’r Ganolfan Gyswllt i Gwsmeriaid RPW.