Enseffalopathïau Sbyngffurf Trosglwyddadwy (TSE)

Mae'r clefydau hyn yn achosi i feinwe’r ymennydd ddirywio, gan wneud iddo edrych fel sbwng. 

Maent yn glefydau angheuol a all effeithio ar wahanol rywogaethau gan gynnwys:

• pobl
• gwartheg
• defaid
• geifr
• ceirw
• camelidau

Mae'r clefydau'n cynnwys:

• Enseffalopathi Sbyngffurf Buchol (BSE) mewn gwartheg
• Clefyd y crafu mewn defaid a geifr
• Nychdod cronig (CWD) mewn ceirw
• Clefyd Creutzfeldt-Jakob (CJD) mewn pobl

Mae'r holl fathau o Enseffalopathïau Sbyngffurf Trosglwyddadwy yn glefydau hysbysadwy.

Arwyddion clinigol

Mae'r arwyddion clinigol yn dibynnu ar y math o glefyd dan sylw a'r rhywogaethau y mae'n effeithio arnynt ond maent gan amlaf yn cynnwys:         

• newid mewn ymddygiad
• mwy sensitif i gyffwrdd, sain a golau
• colli'r gallu i gydsymud, syrthio, crynu
• colli pwysau

Trosglwyddo, atal a thriniaeth

Bydd y trosglwyddiad a'r camau atal yn dibynnu ar y math o glefyd sydd dan sylw a'r rhywogaethau y mae'n effeithio arnynt. Nid oes modd trin Nychdod Cronig ar hyn o bryd.

Os ydych yn amau bod anifail wedi'i heintio:

• dylech ei gadw ar wahân i anifeiliaid eraill, dylai gael ei ladd a dylai profion gael eu cynnal arno
• dylech gysylltu â'ch  swyddfa Asiantaeth Iechyd Anifeiliaid a Phlanhigion leol ar unwaith ar 0300 303 8268