Elfennau LLYW.CYMRU: acordion

Mae’n bosibl y bydd acordionau yn ei gwneud yn anos i ddefnyddwyr ddarllen y cynnwys oherwydd:

• maent yn cuddio cynnwys
• efallai na fydd defnyddwyr yn sylwi arnynt neu’n eu deall

Fel arfer, mae’n well:

• symleiddio’r cynnwys a lleihau faint ohono sydd ar y dudalen
• rhannu’r cynnwys rhwng mwy nag un dudalen
• cadw’r cynnwys ar un dudalen, wedi’i rannu gan benawdau
• defnyddio rhestr o ddolenni ar frig y dudalen i fynd â’r defnyddiwr i adrannau’r dudalen

Ni ddylai golygyddion cynnwys ddefnyddio acordionau ond pan fo pob un o’r canlynol yn wir:

• mae gan y dudalen lawer o gynnwys
• mae modd grwpio’r cynnwys o dan benawdau ar wahân
• mae pob grŵp cynnwys yn diwallu angen defnyddiwr gwahanol
• yn ystod un ymweliad mae defnyddwyr yn debygol o fod angen cynnwys o dan 1 neu 2 acordion yn unig
• nid yw ffyrdd eraill o helpu defnyddwyr i we-lywio’r dudalen yn gyflym yn gweithio (er enghraifft nid yw adran gynnwys yn gweithio)

Efallai y bydd acordionau yn ddefnyddiol hefyd ar gyfer prosesau cam wrth gam.

Rhaid i ddylunwyr cynhyrchion LLYW.CYMRU newydd, er enghraifft gwasanaeth newydd, ddilyn safonau Iaith Profiad Cyflawn (GEL) LLYW.CYMRU.

Ar gyfer pob acordion rhowch bennawd sydd:

• yn benodol, gan ddisgrifio’n glir y cynnwys y mae’n ei gyflwyno
• yn gryno, gan ddisgrifio’r cynnwys mewn cyn lleied o eiriau â phosibl

Peidiwch â chynnwys ffrâm fewnol mewn acordion, er enghraifft fideo.