Dyfodol Bae Baglan

Rydym wedi caffael hen safle BP Chemicals ym Mae Baglan i alluogi creu safle datblygu strategol mawr ar gyfer Port Talbot a de-orllewin Cymru.

Mae safle Baglan yn cynnig cyfle i hybu adfywio yn ne-orllewin Cymru a thu hwnt.

Mae ei faint a'i leoliad yn ei gwneud yn ddelfrydol ar gyfer datblygiad economaidd, amgylcheddol a chymdeithasol. Y safle yw:

• yn Ninas-Ranbarth Bae Abertawe
• yn agos at Brifysgol Abertawe a Phrifysgol Cymru y Drindod Dewi Sant
• yn agos at fusnesau mawr cyfagos fel Tata Steel

Gallai ailddatblygu'r safle:

• helpu i greu swyddi o ansawdd uchel
• cefnogi ymchwil, datblygu ac arloesi
• gwella bioamrywiaeth a mynediad at asedau naturiol

Mae gan y safle hanes diwydiannol hir. Roedd yn gartref i waith cemegol BP, a oedd yn gweithredu o ddechrau'r 1960au tan iddo gau yn 2004. Pan oedd yn weithredol, roedd yn un o'r cyfleusterau petrocemegol mwyaf yn Ewrop.

Mae gan safle Baglan y potensial i drawsnewid yr ardal drwy greu swyddi a hyfforddiant mewn diwydiannau sy'n canolbwyntio ar y dyfodol, megis:

• weithgynhyrchu uchel ei werth
• cynhyrchu ynni gwyrdd, yn unol â'n Cynllun Gweithredu Gweithgynhyrchu
• cyfleoedd sero net, gan gynnwys hydrogen a gwynt alltraeth arnofiol

Rydym yn ystyried amrywiaeth o sefyllfaoedd datblygu. Mae'r rhain yn ystyried:

• ffactorau polisi, amgylcheddol ac economaidd
• y gwaith adfer sy'n ofynnol ar gyfer safle tir llwyd mawr

Mae'r rhaglen yn cael ei harwain gan sawl un o nodau Deddf Llesiant Cenedlaethau'r Dyfodol. Mae'r nodau hyn yn sail i'r prosiect a'r rhaglen adfywio, gan gynnwys:

• ymateb i'r argyfyngau natur a hinsawdd a ddatganwyd gan Weinidogion Llywodraeth Cymru
• creu tirweddau newydd sy'n adlewyrchu cymeriad yr ardal

Cyfleoedd rydyn ni'n eu harchwilio

Rydym yn archwilio cyfleoedd i:

• ddarparu defnydd terfynol sy'n rhoi swyddi a chyfleoedd o ansawdd uchel a chynhyrchiol ar gyfer ymchwil a datblygu
• arallgyfeirio gweithgarwch economaidd i ffwrdd o ddibyniaeth ar ddiwydiant trwm i gynyddu gwytnwch economaidd  
• creu amgylchedd diogel ac o ansawdd uwch i fyw, gweithio a buddsoddi ynddo
• creu cyfleoedd cynhwysol i bobl leol o ran sgiliau, hyfforddiant a chyflogaeth, sy'n lleihau'r anghydraddoldebau presennol
• darparu cyfleoedd hygyrch a chysylltiedig
• diogelu treftadaeth a hunaniaeth yr ardal, a hyrwyddo defnydd hamdden
• ymgorffori egwyddorion yr economi gylchol drwy gydol y gwaith datblygu a manteisio ar adnoddau naturiol
• cyflawni amcanion a pholisïau ehangach LlC megis creu lleoedd, dylunio ansawdd a datblygu lle newydd yn y rhanbarth

Rydym yn gwneud gwaith i ddeall yr heriau sy'n gysylltiedig â hanes diwydiannol y safle. Mae hyn yn cynnwys:

• arolygon ecolegol
• monitro dŵr daear
• ymchwiliadau tir

Bydd y canfyddiadau'n helpu i lywio strategaeth adfer ar gyfer y safle.

Bydd y strategaeth adfer yn arwain opsiynau ar gyfer adfywio ac ailddatblygu yn y dyfodol, gan gynnwys creu:

• strategaeth ddatblygu
• strategaeth ynni

Rydym yn ymrwymedig i ddarparu gwaddol ystyrlon, hirdymor i'r gymuned leol. Wrth i'r cynlluniau symud ymlaen ar gyfer cyflwyno’r gwaith yn raddol ac uwchgynllunio, byddwn yn:

• cynnwys cymunedau lleol
• cydweithio â rhanddeiliaid allweddol

Ar hyn o bryd rydym yn datblygu cynlluniau ar gyfer proses ymgynghori gyda rhanddeiliaid a chymunedau lleol. Bydd hyn yn canolbwyntio ar nodi'r opsiynau gorau ar gyfer sut i ddefnyddio'r safle yn y dyfodol, gan anelu at:

• fynd i'r afael â heriau economaidd a chymdeithasol lleol
• cefnogi Port Talbot a’r ardal ehangach i bontio i economi carbon isel, sero net

Gwaith ymchwilio i'r safle: dechrau 2025 i ganol 2026
Strategaeth adfer a gwaith cyn datblygu: dechrau 2023 i ddechrau 2027