Mae’r farchnad lafur yng Nghymru yn parhau i berfformio yn gryf gyda chyfradd ddiweithdra o 4.3%, sy’n is na chyfartaledd y DU am bum mis yn olynol.
Cyhoeddwyd y cynnwys hwn dan weinyddiaeth Llywodraeth Cymru 2016 i 2021
Gan gynnig sylwadau ar Ystadegau diweddaraf y Farchnad Lafur a gyhoeddwyd heddiw (17 Awst 2016), dywedodd y Prif Weinidog Carwyn Jones:
“Mae’r farchnad lafur yng Nghymru yn parhau i berfformio yn gryf gyda chyfradd ddiweithdra o 4.3%, sy’n is na chyfartaledd y DU am bum mis yn olynol.
“Dros y 12 mis diwethaf, mae diweithdra wedi gostwng yn gyflymach yng Nghymru nag yn unrhyw le arall ym Mhrydain. Rydym ar y blaen i Loegr, yr Alban a Gogledd Iwerddon, gyda diweithdra yn gostwng ar raddfa sy’n fwy na dwywaith cyfartaledd y DU ac sydd bellach llawer is na chyfradd y DU o 4.9%.
“Dros yr un cyfnod, mae diweithdra yng Nghymru wedi codi 17,000 hefyd ac yn agos at y lefel uchaf a gofnodwyd erioed.
“Fel llywodraeth sydd o blaid busnesau, rydym yn parhau i weithio’n galed i gefnogi’r amodau economaidd cywir i helpu i greu a diogelu swyddi ledled Cymru. Beth bynnag sy’n digwydd o’n cwmpas, byddwn yn parhau i ddarparu amgylchedd gadarn, sefydlog a diogel ar gyfer busnes a menter.”