Drafft o'r Rheoliadau Bwyta'n Iach mewn Ysgolion (Gofynion a Safonau Maeth) (Cymru)

Gall y bwyd a’r diod a ddarperir mewn ysgolion wneud cyfraniad positif tuag at ddeiet plant a phobl ifanc gan eu helpu i ddatblygu arferion bwyta da. Bu Llywodraeth Cymru yn gweithio i wella’r bwyd a’r diod sy’n cael ei ddarparu mewn ysgolion drwy’r agenda Blas am Oes a mentrau eraill perthnasol.

Mae’r ymgynghoriad hwn yn gofyn am eich barn ar reoliadau arfaethedig o ran y brecwast y cinio a’r diodydd a’r bwydydd eraill sy’n cael eu darparu ym mhob ysgol a gynhelir yng Nghymru yn ystod y diwrnod ysgol. Mae’r safonau yn y rheoliadau drafft yn seiliedig ar y safonau sy’n cael eu hargymell gan Lywodraeth Cymru ar hyn o bryd.