Mae'r adroddiad yn cwmpasu pob presgripsiwn a weinyddwyd gan fferyllwyr cymunedol (gan gynnwys fferyllfeydd mewn archfarchnadoedd) yn ystod 2017.
Dyma'r datganiad diweddaraf yn y gyfres: Dosbarthu presgripsiynau yn y gymuned
Prif bwyntiau
- Bu cynnydd yn nifer yr eitemau o bresgripsiynau a weinyddwyd yn y gymuned o 80.3 miliwn yn 2016 i 80.4 miliwn yn 2017 (cynnydd o 0.2%), cyfwerth â 25.8 o eitemau fesul pen.
- Cost net cynhwysion pob presgripsiwn a weinyddwyd yn y gymuned yn 2017 oedd £578.1 miliwn, yn debyg iawn i’r gost yn 2016.
- Dosbarthodd Cymru'r nifer uchaf o eitemau ar bresgripsiwn i bob person o’r boblogaeth - 25.8 o'i gymharu â 22.3 yng Ngogledd Iwerddon, 20.0 yn Lloegr ac 19.2 yn yr Alban.
- Meddyginiaethau ar gyfer trin y system gardiofasgwlaidd yw’r grŵp mwyaf o ran eitemau presgripsiwn (23.5 miliwn), ond meddyginiaethau ar gyfer trin y system nerfol ganolog yw’r grŵp mwyaf o ran y gost (£123.9 miliwn).
- Ar draws holl benodau British National Formulary (BNF), Omeprazole oedd y cemegol ragnodir yn fwyaf aml gyda 2.6 miliwn eitemau wedi’u dosbarthu yn 2017.
Nodyn
Yn ychwanegol i’r ystadegau blynyddol yma, cyhoeddir data misol gan Bartneriaeth Cydwasanaethau GIG Cymru.
Mae diweddariadau i'r adroddiad hwn wedi'u gohirio. Rydym wrthi’n adolygu ein hadroddiadau presgripsiynau (‘Presgripsiynau gan Feddygon Teulu’ a ‘Dosbarthu presgripsiynau yn y gymuned’) i wella cydlyniad ac yn datblygu ffyrdd gwell ar gyfer defnyddwyr i archwilio’r data. Bydd dyddiad newydd yn cael ei gyhoeddi maes o law.
Adroddiadau
Dosbarthu presgripsiynau yn y gymuned, 2017 , Saesneg yn unig, math o ffeil: PDF, maint ffeil: 964 KB
Nodiadau esboniadol ar gyfer y dadansoddiad o gostau presgripsiynau , Saesneg yn unig, math o ffeil: PDF, maint ffeil: 206 KB
Setiau data ac adnoddau rhyngweithiol
Cyswllt
Llinell Ymholiadau Cyffredinol
Rhif ffôn: 0300 025 5050
E-bost: ystadegau.iechyd@llyw.cymru
Rydym yn croesawu galwadau a gohebiaeth yn Gymraeg.
Cyfryngau
Rhif ffôn: 0300 025 8099
Rydym yn croesawu galwadau yn Gymraeg.