Dogfennau y bydd eu hangen arnoch i wneud cais am Gynnig Gofal Plant Cymru

Dyma’r mathau o ffeiliau rydyn ni’n eu derbyn: DOC, DOCX, RTF, PDF, JPG, JPEG, TIFF, BMP, XLS, XLSX, PPT, PPTX a PNG.

Sicrhewch fod maint y ffeil yn llai na 30MB.

Nodwch fod y system uwchlwytho yn cau i ddiweddaru rhwng 2am a 4am.  Yn ystod y cyfnod hwn ni fydd modd uwchlwytho na lawrlwytho dogfennau.

Tystysgrif geni llawn eich plentyn, os nad oes gennych chi fersiwn lawn o’r dystysgrif geni, bydd angen y rhain arnoch chi:

• fersiwn fer o'r dystysgrif geni a
• prawf o gyfrifoldeb rhiant, fel un o’r pethau canlynol:
  • Llythyr Budd-dal Plant
  • Llythyr Credyd Treth
  • llythyr oddi wrth adran derbyn meithrin eich awdurdod lleol
  • cofnod meddygol neu lyfr coch eich plentyn

Os yw enw'r plentyn wedi cael ei newid yn swyddogol, bydd angen tystiolaeth.

Prawf o’ch cyfeiriad, wedi’i ddyddio o fewn y tri mis diwethaf:

• bil cyfleustodau diweddaraf, fel bil trydan, nwy neu ddŵr
• datganiad treth y cyngor diweddaraf
• datganiad banc diweddaraf

Os nad oes gennych unrhyw un o'r rhain, gallwch chi lanlwytho copi o'ch contract prynu tŷ neu gytundeb tenantiaeth.

Byddwch chi angen y slipiau cyflog y tri mis diweddaraf, neu gopi o'ch contract, os ydych wedi newid swydd yn ystod y tri mis diwethaf, ar eich cyfer chi a'ch partner cartref.

Os ydych chi mewn addysg neu hyfforddiant, bydd angen i chi ddarparu tystiolaeth o'r canlynol:

• os ydych chi mewn Addysg Uwch: eich bod chi wedi cofrestru ar gwrs israddedig neu ôl-raddedig, gan gynnwys y rhai sy’n cael eu darparu drwy ddysgu o bell, sydd o leiaf 10 wythnos o hyd
• os ydych chi mewn Addysg Bellach (AB): eich bod chi wedi cofrestru ar gwrs sy'n cael ei gyflwyno drwy Sefydliad AB, sydd o leiaf 10 wythnos o hyd

Bydd angen i chi gadarnhau bod mynychu gofal plant wedi’i gytuno yng nghynllun gofal y plentyn.  Bydd awdurdodau lleol sy'n asesu eich cais yn cysylltu â'r adran Gwasanaethau Cymdeithasol berthnasol i gael cadarnhad.

Os ydych chi neu’ch partner yn hunangyflogedig (gan gynnwys fel gofalwr maeth) bydd angen i chi ddarparu un o'r canlynol:

• ffurflen SA302
• ffurflen dreth Hunanasesiad ddiweddaraf (gan gynnwys Cyfeirnod Treth Unigryw (UTR) a dyddiad cofrestru)

Os nad yw’r rhain gennych chi, byddwn ni angen math arall o dystiolaeth, fel:

• copi o'ch cyfrifon diweddaraf
• llythyr oddi wrth eich cyfrifydd am faint rydych chi’n ei ennill

Byddwch chi angen y datganiad budd-daliadau diweddaraf ar gyfer pob budd-dal rydych chi’n ei gael.

Os ydych chi’n derbyn tâl mamolaeth, tâl salwch neu absenoldeb rhiant di-dâl, byddwch chi angen llythyr oddi wrth eich cyflogwr i brofi hyn.