Diwygio deddfwriaeth y DU er mwyn ymgorffori'r newidiadau a wnaed i fformiwla ynni effeithlon R1 mewn perthynas ag ynni a ddaw o weithfeydd gwastraff

Mae Atodiad II o’r Gyfarwyddeb Fframwaith Gwastraff (2008/98/EC) yn nodi rhestr o weithrediadau adfer nad yw’n gynhwysfawr. Caiff gweithrediadau sy’n defnyddio gwastraff yn bennaf fel tanwydd i greu ynni eu categoreiddio’n weithrediadau R1. Rhaid i ynni a ddaw o weithfeydd gwastraff sy’n canolbwyntio’n benodol ar brosesu gwastraff solet dinesig a’r prosesu hwnnw’n cael ei gategoreiddio’n waith adfer rhaid cwrdd â throthwy penodol ar gyfer effeithlonrwydd ynni gan gynnwys y fformiwla ar gyfer cyfrifo effeithlonrwydd ynni (“Fformiwla R1”).

Mae’r ymgynghoriad yn amlinellu’r newidiadau hyn yn fanwl ac yn ceisio barn ar y newidiadau hyn.

Rydym wedi nodi dwy Ddeddf Seneddol a nifer o offerynnau statudol sy’n cynnwys cyfeiriadau at ‘adfer’ a ‘Cyfarwyddeb Wastraff’.

Rydym yn bwriadu diweddaru’r cyfeiriadau at ‘Gyfarwyddeb Wastraff’ ac ‘adfer’ i sicrhau bod y cyfeiriadau’n berthnasol i’r Gyfarwyddeb Wastraff fel y’i diweddarwyd gan Gyfarwyddeb yr UE 2015/1127.

Rydym yn gofyn i’r diwydiant a oes ganddo unrhyw bryderon am y modd yr ydym yn bwriadu gwneud y newidiadau hyn ac rydym yn awyddus i glywed gan:

• awdurdodau lleol
• Cyfoeth Naturiol Cymru
• gweithredwyr safleoedd tirlenwi
• gweithredwyr ynni o wastraff
• y rheini sy’n gweithredu cyfleusterau gwastraff a ganiateir a gwastraff sydd wedi’i eithrio
• sefydliadau proffesiynol a sefydliadau aelodaeth
• busnesau/sector preifat