Defnydd o'r rhyngrwyd (Arolwg Cenedlaethol Cymru) : Ebrill 2012 i Mawrth 2013

Canfyddiadau allweddol

• Dywedodd 73% o aelwydydd Cymru eu bod yn defnyddio’r rhyngrwyd. Mae hyn yn cyfateb i tua 79% o bobl 18 oed ac yn hŷn â mynediad at y rhyngrwyd.
• Roedd 96% o'r aelwydydd â dau oedolyn a phlant wedi defnyddio'r rhyngrwyd.
• Aelwydydd pensiynwr sengl oedd y lleiaf tebygol o fod wedi defnyddio'r rhyngrwyd (33%).
• Roedd tua thri chwarter yr aelwydydd mewn llety rhent preifat (75%) a chyfran debyg o aelwydydd perchen-feddiannydd (76%) yn defnyddio'r rhyngrwyd, o gymharu ag ychydig dros hanner y rhai mewn tai cymdeithasol (54%).
• Dywedodd 76% o'r ymatebwyr eu bod wedi defnyddio'r rhyngrwyd yn bersonol yn y cartref, yn y gwaith neu yn rhywle arall; roedd hyn yn amrywio yn ôl nodweddion fel rhyw, iechyd a chymwysterau.
• Roedd 67% o bobl ifanc rhwng 18 a 24 oed yn defnyddio'r rhyngrwyd ar ffôn symudol neu ffôn clyfar.
• O'r rhai sy'n defnyddio'r rhyngrwyd, roedd 81% wedi defnyddio gwefannau'r llywodraeth neu wasanaethau cyhoeddus eraill o fewn y 12 mis diwethaf.
• Dywedodd 20% o bobl 18 oed ac yn hŷn nad oeddent wedi defnyddio'r rhyngrwyd erioed. O'r rhain, dywedodd y mwyafrif nad oeddent eisiau neu nad oeddent angen defnyddio'r rhyngrwyd. Fodd bynnag, dywedodd 27% mai diffyg sgiliau oedd y rheswm.