Defnydd gorsafoedd rheilffordd: Ebrill 2021 i Fawrth 2022

Pwyntiau allweddol

Image

• Cynyddodd y defnydd o orsafoedd rheilffyrdd yn 2021-22 (1 Ebrill 2021 i 31 Mawrth 2022) i 29.0 miliwn o 8.7 miliwn yn y flwyddyn flaenorol (2020-21). Fodd bynnag, arhosodd yn sylweddol is na'r 50.4 miliwn a gofnodwyd yn ystod 2019-20 (cyn pandemig COVID-19).
• Mae cyfanswm y bobl a aeth i mewn ac allan o orsafoedd yng Nghymru wedi mwy na threblu rhwng 2020-21 a 2021-22 (o 8.7 miliwn i 29.0 miliwn) sy'n adlewyrchu llacioar y cyfyngiadau teithio a osodwyd o ganlyniad i'r pandemig.
• Arhosodd y defnydd o orsafoedd rheilffyrdd yn is na'r lefelau cyn y pandemig, gyda'r defnydd yn 2021-22 42% yn is nag yn 2019-20.
• Yn 2021-22, roedd cynnydd yn nifer y mynediadau ac ymadawiadau ym mhob gorsaf ledled Cymru o'i gymharu â'r flwyddyn flaenorol.
• Caerdydd Canolog yw'r orsaf brysuraf yng Nghymru o hyd sy'n cyfrif am dros chwarter holl fynediadau ac ymadawiadau i orsafoedd.
• Y defnydd o orsafoedd rheilffordd yng Nghymru sy'n gyfrifol am oddeutu 1.6% o gyfanswm y DU.

Mae rhagor o wybodaeth fanwl ar gael drwy ein dangosfwrdd, gellir dod o hyd i dablau ar StatsCymru.