Dechrau'n Deg: Ebrill 2018 i Fawrth 2019

Mae'n cyflwyno ystadegau o set gwybodaeth reoli. Er enghraifft, niferoedd y plant sy'n defnyddio gwasanaethau Dechrau'n Deg, ynghyd â datblygu ystadegau am ganlyniadau ar gyfer plant Dechrau'n Deg.

Prif bwyntiau

• Roedd 36,367 o blant wedi derbyn (elwa o) gwasanaethau Dechrau’n Deg yn ystod 2018-19; 1% yn is nag yn 2017-18 (36,869) ond 0.4% yn fwy na’r nifer disgwyliedig ar gyfer y flwyddyn.
• Cafodd plant Dechrau'n Deg hyd at 4 oed eu gweld ar gyfartaledd o 6.2 gwaith yn ystod 2018-19 gan ymwelwyr iechyd ac aelodau o'r tîm iechyd ehangach, ychydig yn llai nag yn 2017-18 (6.9 cyswllt y plentyn).
• Hawliwyd 88% o’r cynigion o ofal plant mewn lleoliad gofal plant Dechrau’n Deg yn ystod 2018-19. Mae hyn yn gynnydd bach ers 2017-18 (87%).
• Roedd 93% o blant 3 oed, a oedd yn byw mewn ardaloedd Dechrau'n Deg, wedi’u cofrestru mewn ysgol a gynhelir (2018). Dim newid ers 2017.
• Cynyddodd cyfraddau bwydo ar y fron yn 10 diwrnod oed ar draws Cymru yn 2017 o’i gymharu â 2016, ond yn parhau yn is mewn ardaloedd Dechrau’n Deg (35%) nag mewn ardaloedd nad ydynt yn rai Dechrau'n Deg (51%).
• Roedd 83% o blant a oedd yn byw mewn ardaloedd Dechrau'n Deg wedi cael eu himiwneiddio'n llawn erbyn eu 4ydd pen-blwydd (2018-19), cynnydd bach ers 2017-18.
• Mae gan ardaloedd Dechrau’n Deg lefel is o achosion o blant pwysau iach (71%) nag ardaloedd nad ydynt yn rai Dechrau’n Deg (74%) (2016/17 a 2017/18).