Mae 29 o weithwyr addysg proffesiynol o Gymru wedi’u cyhoeddi yn deilyngwyr y gwobrau cenedlaethol sy’n dychwelyd gyda chategori newydd.
Eleni, mae 29 o weithwyr addysg proffesiynol wedi cyrraedd rowndiau terfynol pumed Gwobrau Addysgu Proffesiynol Cymru, sy’n dathlu gweithwyr addysg proffesiynol ysbrydoledig ledled Cymru.
Mae disgyblion, cydweithwyr a rhieni wedi enwebu’r gweithwyr addysg proffesiynol eithriadol yn eu bywydau, ac mae’r enwebeion bellach wedi cyrraedd y rhestr fer o 29 yn y rownd derfynol ar draws deg categori, gan gynnwys ‘Pennaeth y Flwyddyn’, a ‘Gwobr Disgybl am yr Athro Gorau’.
Eleni cyflwynir categori newydd - Gwobr Betty Campbell MBE am hyrwyddo cyfraniadau a safbwyntiau Cymunedau Du, Asiaidd a Lleiafrifoedd Ethnig - wedi’i henwi ar ôl pennaeth du cyntaf Cymru. Bydd y wobr hon yn cydnabod unigolyn, tîm neu ysgol sydd wedi dangos ymwybyddiaeth ragorol o bwysigrwydd amrywiaeth a chynhwysiant yn yr ystafell ddosbarth.
Croesawyd y wobr newydd gan ferch Betty, Elaine Clarke, a ddywedodd:
Mae’r Wobr yn ffordd wych o hyrwyddo cynhwysiant pob grŵp Du, Asiaidd a Lleiafrifoedd Ethnig ac rydym yn siŵr y bydd y derbynwyr yn parhau i gael eu hysbrydoli a datblygu cenedlaethau'r dyfodol yn ôl troed ein mam.
Roedd y penderfyniad i gyflwyno ‘Gwobr Betty Campbell MBE’ i bumed Gwobrau blynyddol Addysgu Proffesiynol Cymru yn argymhelliad gan yr Athro Charlotte Williams OBE, a arweiniodd adolygiad o gwricwlwm Cymru y llynedd i argymell sut i hyrwyddo cynnwys cymunedau Du, Asiaidd a lleiafrifoedd ethnig, hanes, cyfraniadau a phrofiadau byw mewn ysgolion.
Dywedodd yr Athro Charlotte Williams OBE:
Mae amrywiaeth yn thema ganolog a thrawsbynciol yn y cwricwlwm newydd. Bydd y wobr hon yn annog ysgolion i feddwl yn strategol am sut y gallant wreiddio’r dimensiwn pwysig hwn ym mhopeth a wnânt.
Mae lansio’r wobr hon yn arwydd sicr bod Llywodraeth Cymru yn ymateb yn gyflym i argymhellion yr adroddiad Gweinidogol ar amrywiaeth yn y cwricwlwm newydd.
Dywedodd y Gweinidog dros Addysg a’r Gymraeg, Jeremy Miles:
Mae safon yr enwebiadau eleni, fel erioed, wedi bod yn rhagorol. Maent yn dangos ehangder y gweithwyr addysg proffesiynol ysbrydoledig sydd gennym yma yng Nghymru ac mae’n bwysig ein bod yn cydnabod hynny.
Mae gennym ni gymaint o waith da yn hyrwyddo cyfraniadau a safbwyntiau cymunedau Du, Asiaidd a lleiafrifoedd ethnig gan ysgolion ac addysgwyr ledled Cymru, ac mae hyn yn cael ei gydnabod gan wobr newydd Betty Campbell MBE.
Rwy’n edrych ymlaen at ddathlu’r unigolion gwych hyn sy’n mynd yr ail filltir i’w proffesiwn.
Ymunwch â’r sgwrs gyda #GwobrauAddysguCymru2022 neu dilynwch @LlC_Addysg.
Teilyngwyr Gwobrau Addysgu Proffesiynol Cymru 2022
Pennaeth y Flwyddyn
Meurig Jones, Ysgol Gyfun Gwynllyw, Pontypŵl / Ysgol Gyfun Gymraeg Llangynwyd, Pen-y-bont ar Ogwr
Kathryn Matthews, Ysgol Gymraeg Cwm Derwen, Caerffili
Defnydd Ysbrydoledig o’r Gymraeg
Elizabeth Hamlin, Ysgol Eglwys y Dre, Aberdâr
Iona Llyr, Ysgol Maes y Gwendraeth, Llanelli
Mari Salisbury, Ysgol Croes Atti, Fflint
Athro Newydd Eithriadol
Holly Gordon, Ysgol Bryn Derw ASD Special School, Casnewydd
Ifan Tomos Jenkins, Ysgol Uwchradd Glan Clwyd, Llanelwy
Danielle Powell, Ysgol Gynradd Pantysgallog, Merthyr Tudful
Gwobr Disgybl (neu Ddisgyblion) am yr Athro Gorau
Julia Adamson, Ysgol Gynradd Tregatwg, Y Barri
Laura Buffee, Ysgol Uwchradd WRh Hwlffordd, Hwlffordd
Bethan Howells, Ysgol Gyfun Treorci, Treorci
Rheolwr Busnes/Bwrsar Ysgol
Claire Coakley, Ysgol Martin Sant, Caerffili
Honora Rowlands, Ysgol Gatholig Crist y Gair, Rhyl
Sandra Sant, Ysgol Uwchradd Penarlâg, Glannau Dyfrdwy
Cefnogi Athrawon a Dysgwyr
Carolyn Platt, Ysgol Bryn Elian, Bae Colwyn
Gill Sullivan, Ysgol Uwchradd Maesteg, Maesteg
Tîm Cefnogi Ysgol Glan Clwyd, Ysgol Uwchradd Glan Clwyd, Llanelwy
Athro’r Flwyddyn mewn Ysgol Gynradd
Lee Arthur, Ysgol Gynradd Llanharan, Pontyclun
Sean Jones, Ysgol Glan Gele, Abergele
Charmaine Riley, Ysgol Gynradd Radyr, Radyr
Athro’r Flwyddyn mewn Ysgol Uwchradd
Kate Jones, Ysgol Uwchradd Glan Clwyd, Llanelwy
Lucy Morgan, Ysgol y Deri, Penarth
Mark Morgan, Ysgol Uwchradd Pen y Dre, Merthyr Tudful
Gwaith Ieuenctid mewn Ysgolion a’r Gymuned
Nigel Bowie, Awdurdod Lleol, Bro Morgannwg
Chris Gledhill, Gwasanaeth Ieuenctid Conwy, Conwy
Christian Williams, Ysgol Gyfun Heolddu, Caerffili
Gwobr Betty Campbell MBE am hyrwyddo cyfraniadau a safbwyntiau Cymunedau Du, Asiaidd a Lleiafrifoedd Ethnig – newydd ar gyfer 2022
Ysgol Uwchradd Llanwern, Casnewydd
Ysgol Gynradd Doc Penfro, Doc Penfro
Ysgol Penyffordd, Penyffordd