Datgarboneiddio diwydiant a busnes

Ym mis Rhagfyr 2021, comisiynodd Llywodraeth Cymru Miller Research i gynnal gwaith ymchwil ynghylch datgarboneiddio diwydiant a busnes. Canolbwyntiodd y gwaith ymchwil hwn ar sut y gall ffynonellau data presennol gael eu gwella neu sut y gellir ychwanegu atynt er mwyn gwella’r ddealltwriaeth o allyriadau nwyon tŷ gwydr

Mae’r adroddiad cyntaf yn seiliedig ar gyfres o gyfweliadau cwmpasu gyda swyddogion Llywodraeth Cymru a rhanddeiliaid allweddol eraill ynghyd â dadansoddiad o’r Rhestr Allyriadau Atmosfferig Cenedlaethol a ffynonellau data eraill. 

Mae’r adroddiad hwn yn tynnu sylw at sawl her sydd ynghlwm wrth amcangyfrif yn gywir allyriadau busnes a diwydiant yng Nghymru. Caiff cyfres o argymhellion i orchfygu’r heriau hyn eu cyflwyno. Mae’r rhain yn cynnwys trydaneiddio data, ehangu’r casgliad o ddata ac ymgorffori ffynonellau data presennol.  

Cafodd yr ail adroddiad, ‘Allyriadau aer a chyfrifon ynni ar gyfer Cymru: methodoleg a chanlyniadau’, ei gomisiynu yn 2021 gan Ricardo Energy & Environment. Mae’r ail adroddiad yn amlinellu’r rhest o allyriadau atmosfferig a’r defnydd o ynni o fewn Cymru ac mae’n Sylfaen i’r Cyfrifon Aer ac Ynni ar gyfer Cymru. 

Y cyhoeddiad terfynol yw’r data sy’n gysylltiedig â’r ail adroddiad.