Alun Davies, Gweinidog y Gymraeg a Dysgu Gydol Oes
Cyhoeddwyd y cynnwys hwn dan weinyddiaeth Llywodraeth Cymru 2016 i 2021
Mae’n bleser gennyf gyhoeddi bod y Rhaglen Prentisiaeth Iau yn cael ei hymestyn. Rydym yn cefnogi'r rhaglen hon drwy roi £800,000 yn ychwanegol iddi, a fydd yn cael ei ddefnyddio ar draws pob Awdurdod Lleol. Bydd y cyllid yn galluogi colegau ac ysgolion ledled Cymru i gydweithio’n well.
Mae'r Rhaglen Prentisiaeth Iau wedi'i hanelu at blant rhwng 14 ac 16 oed, ac mae’n eu galluogi i ddilyn llwybr galwedigaethol lefel 1 neu 2 mewn coleg lleol, gan feithrin sgiliau ymarferol wrth ennill cymwysterau.
Ar hyn o bryd, dim ond yng Ngholeg Caerdydd a’r Fro mae’r rhaglen yn cael ei chynnal. Fodd bynnag, diolch i’r buddsoddiad newydd, bydd modd i bob rhan o Gymru dreialu’r dull arloesol hwn o ennyn diddordeb dysgwyr mewn llwybrau galwedigaethol yn gynt, gan roi mwy o gyfle iddynt feithrin sgiliau ymarferol go iawn sy’n bwysig i gyflogwyr.
Ar hyn o bryd, mae Coleg Caerdydd a'r Fro yn cynnig llwybrau ym maes Moduro, Adeiladu, Arlwyo a Lletygarwch, Trin Gwallt a’r Cyfryngau Creadigol/Digidol i enwi dim ond rhai. Ochr yn ochr â'r cymwysterau galwedigaethol, disgwylir i'r dysgwr gwblhau TGAU mewn Mathemateg a Saesneg hefyd. Nawr, gall y llwybrau hyn, a rhai eraill, fod yn opsiynau i bobl ifanc ledled Cymru.
Mae 16 oed yn bwynt pontio hollbwysig i bobl ifanc. Bydd gennym nawr floc adeiladu arall yn ei le i’n helpu i gyrraedd ein nod o greu llwybrau galwedigaethol gwirioneddol integredig sy'n dechrau pan mae’r unigolyn yn 14 oed ac yn gallu parhau gydol ei yrfa.
Mae'r Rhaglen Prentisiaeth Iau wedi'i hanelu at blant rhwng 14 ac 16 oed, ac mae’n eu galluogi i ddilyn llwybr galwedigaethol lefel 1 neu 2 mewn coleg lleol, gan feithrin sgiliau ymarferol wrth ennill cymwysterau.
Ar hyn o bryd, dim ond yng Ngholeg Caerdydd a’r Fro mae’r rhaglen yn cael ei chynnal. Fodd bynnag, diolch i’r buddsoddiad newydd, bydd modd i bob rhan o Gymru dreialu’r dull arloesol hwn o ennyn diddordeb dysgwyr mewn llwybrau galwedigaethol yn gynt, gan roi mwy o gyfle iddynt feithrin sgiliau ymarferol go iawn sy’n bwysig i gyflogwyr.
Ar hyn o bryd, mae Coleg Caerdydd a'r Fro yn cynnig llwybrau ym maes Moduro, Adeiladu, Arlwyo a Lletygarwch, Trin Gwallt a’r Cyfryngau Creadigol/Digidol i enwi dim ond rhai. Ochr yn ochr â'r cymwysterau galwedigaethol, disgwylir i'r dysgwr gwblhau TGAU mewn Mathemateg a Saesneg hefyd. Nawr, gall y llwybrau hyn, a rhai eraill, fod yn opsiynau i bobl ifanc ledled Cymru.
Mae 16 oed yn bwynt pontio hollbwysig i bobl ifanc. Bydd gennym nawr floc adeiladu arall yn ei le i’n helpu i gyrraedd ein nod o greu llwybrau galwedigaethol gwirioneddol integredig sy'n dechrau pan mae’r unigolyn yn 14 oed ac yn gallu parhau gydol ei yrfa.