Rebecca Evans AC, Y Gweinidog Cyllid a’r Trefnydd
Cyhoeddwyd y cynnwys hwn dan weinyddiaeth Llywodraeth Cymru 2016 i 2021
Mae Llywodraeth Cymru wedi gwithio gyda’r Senedd i ailflaenoriaethu busnes y Llywodraeth er mwyn adlewyrchu natur ddigynsail yr argyfwng coronafeirws (COVID-19). Mae’r datganiad gwn yn cael ei gyhoeddi i roi’r wybodaeth ddiweddaraf i’r Aelodau, ond bydd datganiadau ysgrifenedig COVID-19 yn parhau i gael eu cyhoeddi fel blaenoriaeth.
Heddiw, cyhoeddwyd adroddiad gan y Sefydliad Astudiaethau Cyllid, sef Diwygio ac Ailbrisio'r Dreth Gyngor yng Nghymru: effaith ar wahanol gynghorau a mathau o aelwydydd. Mae Llywodraeth Cymru wedi gweithio'n agos gyda'r Sefydliad Astudiaethau Cyllid ar yr adroddiad hwn, fel rhan o'n cyfres ymchwil i helpu i feddwl am ddyfodol drethiant lleol yng Nghymru.
Bydd yr ymchwil hon yn ein helpu i ddeall effeithiau posibl ailbrisio eiddo domestig, pe bai ymarfer o'r fath yn cael ei gynnal yng Nghymru.
Mae'n bleser gennym fod wedi cydweithio gyda sefydliad mor uchel ei barch i edrych yn ddyfnach ar anghenion a gofynion penodol y dreth gyngor yng Nghymru. Un ffrwd waith mewn rhaglen ehangach o ddiwygiadau i drethiant lleol a’r system gyllid llywodraeth leol yn ehangach yw'r ymchwil hon. Cyhoeddais ddiweddariad ar gynnydd y rhaglen waith ar 5 Tachwedd, a gellir gweld hwn drwy ddilyn y ddolen ganlynol:
https://llyw.cymru/diwygio-cyllid-llywodraeth-leol-diweddariadau-blynyddol