Datganiad Ysgrifenedig: Setliad Terfynol yr Heddlu 2020-21

Rwyf heddiw yn gosod gerbron y Cynulliad Adroddiad Cyllid Llywodraeth Leol (Rhif 2) 2020-21 (Setliad Terfynol – Comisiynwyr Heddlu a Throseddu). Mae hwn yn amlinellu elfen Llywodraeth Cymru o Setliad Terfynol yr Heddlu ar gyfer heddluoedd yng Nghymru yn 2020-21. Cyhoeddiad heddiw gan y Swyddfa Gartref y Ddyraniadau Grant Terfynol yr Heddlu ar gyfer cyrff plismona yng Nghymru a Lloegr, er mwyn sicrhau eu bydd Comisiynwyr Heddlu a Throseddu yn gallu gosod eu praeseptau erbyn 1 Mawrth.

Mae fformiwla gyffredin sy’n seiliedig ar anghenion yn cael ei gweithredu gan y Swyddfa Gartref i ddosbarthu cyllid ar draws heddluoedd Cymru a Lloegr. Mae’r dull o bennu a dosbarthu elfen Llywodraeth Cymru o’r ddarpariaeth cyllido heddlu yn seiliedig ar yr egwyddor o sicrhau cysondeb a thegwch ar draws Cymru a Lloegr.

Fel blynyddoedd blaenorol, mae’r Swyddfa Gartref wedi defnyddio mecanwaith arian gwaelodol ar gyfer ei fformiwla sy'n seiliedig ar anghenion. Mae hyn yn sicrhau y gall pob heddlu yng Nghymru a Lloegr ddisgwyl cynnydd yn y cyllid a dderbyniant o 7.48% ar gyfer 2020-21 o’i gymharu ar sail gyfatebol â 2019-20.

Mae’r ffigurau wedi’u crynhoi yn Nhablau 1 i 3 y Datganiad hwn. Cyfanswm y cymorth refeniw ar gyfer heddluoedd yng Nghymru yn 2020-21 yw £384 miliwn. O’r cyllid hwn, mae Llywodraeth Cymru yn darparu £143.4 miliwn fel Grant Cymorth Refeniw heb ei neilltuo ac Ardrethi Annomestig. Mae’r arian gwaelodol yn cael ei darparu gan y Swyddfa Gartref. Mae’r Swyddfa Gartref yn parhau i darparu’r grant pensiynau fel cyllid penodol.

Disgwylir i Adroddiad Cyllid Llywodraeth Leol fod yn destun trafodaeth yn y Cynulliad ar 10 Mawrth.

Mae’r wybodaeth hon hefyd wedi'i chyhoeddi ar wefan Llywodraeth Cymru yma:

https://llyw.cymru/setliad-yr-heddlu-terfynol-2020-i-2021

Cyllid Refeniw yr Heddlu