Neidio i'r prif gynnwy

Julie James AS, Y Gweinidog Tai a Llywodraeth Leol

Cyhoeddwyd gyntaf:
19 Chwefror 2021
Diweddarwyd ddiwethaf:

Mae adran 45C o Ddeddf Iechyd y Cyhoedd (Rheoli Clefydau) 1984 (“Deddf 1984”) yn galluogi Gweinidogion Cymru, drwy reoliadau, i wneud darpariaeth at ddiben atal, diogelu yn erbyn, rheoli neu ddarparu ymateb iechyd y cyhoedd i fynychder neu ledaeniad haint neu halogiad yng Nghymru.

Fel y Gweinidog Tai a Llywodraeth Leol, a chan ddefnyddio’r pwerau o dan adran 45C o Ddeddf 1984, gwnes Reoliadau Iechyd y Cyhoedd (Gwarchodaeth Rhag Troi Allan) (Cymru) (Coronafeirws) 2021 (dolan allanol) er mwyn ymateb i’r bygythiad difrifol ac uniongyrchol i iechyd y cyhoedd o ganlyniad i fynychder a lledaeniad Covid-19. Daeth y rheoliadau i rym ar 11 Ionawr a byddant yn dod i ben ar ddiwedd y dydd ar 31 Mawrth 2021.

Mae rheoliad 3 o’r Rheoliadau yn ei gwneud yn ofynnol i Weinidogion Cymru adolygu’r angen am y cyfyngiadau a’r gofynion a osodir gan y Rheoliadau hyn, a phu’n a yw’r cyfyngiadau hynny yn gymesur â’r hyn y mae Gweinidogion Cymru yn ceisio ei gyflawni drwyddynt:

  1. o leiaf unwaith yn y cyfnod o 11 Ionawr 2021 i 28 Ionawr 2021; ac
  2. o leiaf unwaith ym mhob cyfnod dilynol o 21 diwrnod.

Yn unol â’r gofyniad hwnnw, rwyf wedi cwblhau’r ail adolygiad o’r Rheoliadau. Rwyf wedi dod i’r casgliad na ddylid addasu na dirymu’r Rheoliadau oherwydd y nifer parhaus o achosion o Covid-19 yn y gymuned, er bod y nifer wedi gostwng ers yr adolygiad cyntaf, y cyngor y dylai pobl barhau i aros gartref lle bynnag y bo hynny’n bosibl a’r ffaith bod Cymru yn parhau i fod ar lefel rhybudd 4.

Mae copi Memorandwm Esboniadol cysylltiedig i’w gweld yma (dolen allanol)