Edwina Hart, Gweinidog yr Economi, Gwyddoniaeth a Thrafnidiaeth
Cyhoeddwyd y cynnwys hwn dan weinyddiaeth Llywodraeth Cymru 2011 i 2016
Ym mis Tachwedd 2014, cyhoeddais fy mod yn bwriadu sefydlu Grŵp Gorchwyl a Gorffen Ardal Twf Lleol Dyffryn Teifi i oruchwylio’r dull o gyflawni’r argymhellion yn yr adroddiad gwreiddiol ac argymhellion Llywodraeth Cymru mewn ymateb i’r adroddiad. Bydd y Grŵp yn helpu i sefydlu’r Ardal Twf Lleol yn Nyffryn Teifi er mwyn ysgogi ffyniant a thwf economaidd yno. Bydd y Grŵp yn bodoli am hyd at ddeunaw mis.
Mae Cadeirydd y Grŵp blaenorol, Delyth Evans MBE, wedi derbyn y gwahoddiad i Gadeirio’r Grŵp Gweithredu newydd er mwyn sicrhau parhad a chynnal momentwm.
Cytunwyd mai’r unigolion isod fydd aelodau’r Grŵp:
Kevin Davies, Ceir Cawdor a Gwesty’r Emlyn
Lawrence Harris, Daioni
Keith Evans, Gŵr Busnes Lleol
Jacqui Weatherburn, Coleg Ceredigion a Phrifysgol Cymru y Drindod Dewi Sant
Steve Jones, Tai Ceredigion
Ben Giles, Ultima Cleaning
Cynhelir cyfarfod cyntaf y Grŵp cyn bo hir.