Datganiad Ysgrifenedig - Diweddariad ar Safonau’r Gymraeg

Hoffwn achub ar y cyfle hwn i ddiweddaru’r Aelodau ar y cynnydd yn y gwaith o baratoi Rheoliadau i wneud Safonau’r Gymraeg yn benodol gymwys i’r sefydliadau yn ail Ymchwiliad Safonau Comisiynydd y Gymraeg.
Daeth ail Ymchwiliad Safonau y Comisiynydd mewn perthynas a’r 119 sefydliad nesaf (Atodiad A) i ben ar 6 Chwefror 2015. Cyflwynodd y Comisiynydd 9 adroddiad safonau i Weinidogion Cymru ddiwedd Mai 2015.  Yn unol ag adran 66 Mesur y Gymraeg (Cymru) 2011, rwyf wedi rhoi sylw dyladwy i gasgliadau’r Comisiynydd. Heddiw, rwy’n cyhoeddi ymateb llawn i gasgliadau’r Comisiynydd yn ei hadroddiadau safonau, yn ogystal ag atodiad yn ymateb i bod un o gasgliadau’r Comisiynydd yn eu tro.

Rwy’n ddiolchgar am waith y Comisiynydd. Mae’r adroddiadau a’r casgliadau wedi ein galluogi i ymestyn ein dealltwriaeth o’r safonau gallai fod yn berthnasol i’r sefydliadau. Rydym yn ymwybodol wrth gyrraedd ei chasgliadau i’r Comisiynydd ymgymryd ag ymchwil pellach i swyddogaethau a gwasanaethau’r sefydliadau, oedd yn cynnwys ystyriaeth i’w perfformiad yn erbyn eu Cynlluniau Iaith presennol. Golyga hyn ein bod mewn safle cryf i barhau gyda’r gwaith o baratoi Rheoliadau i baratoi safonau a’u gwneud yn benodol gymwys i’r sefydliadau hyn.
 
Oherwydd y  nifer sylweddol o sefydliadau sydd yn rhan o’r ail ymchwiliad a’r amrywiaeth o sectorau sydd yn cael eu cynnwys, y bwriad yw i gyflwyno’r Rheoliadau’n raddol. Byddwn yn dechrau trwy osod y set gyntaf o Reoliadau erbyn diwedd 2015. Wedi hynny, byddwn yn cyflwyno Rheoliadau pellach. Fel y noder yn yr adroddiad sydd wedi’i hatodi, mae’n bosib y bydd angen ymgynghori ar Reoliadau ar gyfer y sector iechyd.

Byddwn yn parhau i ddiweddaru Aelodau’r Cynulliad ar y rhaglen dreigl o wneud safonau wrth iddi ddatblygu.

ATODIAD A

Sefydliadau wedi’u cynnwys yn ail Ymchwiliad Safonau Comisiynydd y Gymraeg

• Cyrff Cyhoeddus: Llywodraeth  (1 sefydliad)
• Prif Arolygydd Ei Mawrhydi dros Addysg a Hyfforddiant yng Nghymru

• Cyrff Cyhoeddus: Llywodraeth Leol (25 sefydliad)
• Bwrdd Iechyd Addysgu Powys
• Bwrdd Iechyd Prifysgol Aneurin Bevan
• Bwrdd Iechyd Prifysgol Cwm Taf 
• Bwrdd Iechyd Prifysgol Abertawe Bro Morgannwg 
• Bwrdd Iechyd Prifysgol Betsi Cadwaladr 
• Bwrdd Iechyd Prifysgol Caerdydd a’r Fro
• Bwrdd Iechyd Prifysgol Hywel Dda 
• Ymddiriedolaeth GIG Gwasanaethau Ambiwlans Cymru
• Ymddiriedolaeth GIG Felindre
• Ymddiriedolaeth GIG Iechyd Cyhoeddus Cymru  
• Awdurdod Gwasanaethau Busnes y GIG
• Gwasanaeth Tân ac Achub Canolbarth a Gorllewin Cymru
• Gwasanaeth Tân ac Achub  De Cymru 
• Gwasanaeth Tân ac Achub Gogledd Cymru o Bwrdd Cynghorau Iechyd Cymuned Cymru
• Cyngor Iechyd Cymuned Abertawe Bro Morgannwg 
• Cyngor Iechyd Cymuned Aneurin Bevan 
• Cyngor Iechyd Cymuned Betsi Cadwaladr
• Cyngor Iechyd Cymuned Brycheiniog a Maesyfed 
• Cyngor Iechyd Cymuned Caerdydd a’r Fro 
• Cyngor Iechyd Cymuned Cwm Taf 
• Cyngor Iechyd Cymuned Hywel Dda 
• Cyngor Iechyd Cymuned Sir Drefaldwyn 
• Awdurdod yr Heddlu Niwclear Sifil 
• Awdurdod yr Heddlu Trafnidiaeth Prydeinig

• Atodlen 5(1): Awdurdodau cyhoeddus (11 sefydliad)
• Comisiynydd yr Heddlu a Throseddu De Cymru
• Comisiynydd yr Heddlu a Throseddu Dyfed Powys 
• Comisiynydd yr Heddlu a Throseddu Gogledd Cymru 
• Comisiynydd yr Heddlu a Throseddu Gwent 
• Prif Gwnstabl Heddlu De Cymru 
• Prif Gwnstabl Heddlu Dyfed Powys o Prif Gwnstabl Heddlu Gogledd Cymru  
• Prif Gwnstabl Heddlu Gwent 
• Prif Gwnstabl Heddlu Trafnidiaeth Prydeinig 
• Y Cyngor Fferyllol Cyffredinol 
• Partneriaeth Cydwasanaethau GIG Cymru

• Atodlen 5(3)(a) – Personau sy’n hybu dysg a gwybodaeth drwy addysgu neu ymchwilio neu drwy ddatblygu neu ddyfarnu cymwysterau (2 sefydliad)
• Coleg Ceredigion 
• Coleg Sir Gâr

• Atodiad 5 (5) – Personau sy’n darparu gwasanaethau i’r cyhoedd ac sy’n derbyn cyfanswm o £400,000 neu fwy o arian cyhoeddus mewn blwyddyn ariannol (7 sefydliad)
• CAG Cymru 
• Cymdeithas Genedlaethol Canolfannau Cyngor ar Bopeth 
• Gofal Cymru o Gwasanaeth Gwirfoddol Brenhinol
• Hafal
• Leonard Chesire Disability 
• Wallich-Clifford Community

• Cyrff Cyhoeddus: Cyffredinol (1) (21 sefydliad)
• Coleg Caerdydd a’r Fro 
• Coleg Cambria
• Coleg y Cymoedd
• Coleg Catholig Dewi Sant
• Coleg Gwyr Abertawe
• Coleg Gwent
• Coleg Penybont 
• Coleg Sir Benfro 
• Grŵp Llandrillo Menai
• Grŵp NPTC 
• Prifysgol Abertawe 
• Prifysgol Aberystwyth o Prifysgol Bangor
• Prifysgol Caerdydd
• Prifysgol Cymru
• Prifysgol Cymru: Y Drindod Dewi Sant
• Prifysgol De Cymru
• Prifysgol Glyndwr
• Prifysgol Metropolitan Caerdydd
• Y Brifysgol Agored 
• Career Choice Dewis Gyrfa

• Cyrff Cyhoeddus: Cyffredinol (2) (19 sefydliad)
• Amgueddfa Cymru 
• Canolfan Mileniwm Cymru 
• Cronfa Goffa’r Dreftadaeth Genedlaethol 
• Cwmni Benthyciadau Myfyrwyr Cyfyngedig 
• Cyfoeth Naturiol Cymru 
• Cyllid Cymru
• Cyngor Celfyddydau Cymru 
• Chwaraeon Cymru 
• Cyngor Gweithredu Gwirfoddol Cymru
• Cyngor Llyfrau Cymru
• Gardd Fotaneg Genedlaethol Cymru o Llyfrgell Genedlaethol Cymru
• Opera Cenedlaethol Cymru Cyfyngedig 
• Sianel 4 Cymru 
• National Theatre Wales
• Theatr Genedlaethol Cymru
• Y Gorfforaeth Ddarlledu Brydeinig 
• Y Gronfa Loteri Fawr 
• Y Swyddfa Gyfathrebiadau

• Cyrff Cyhoeddus: Cyffredinol (3) (16 sefydliad)
• Asiantaeth Sicrwydd Ansawdd Addysg Uwch 
• Colegau Cymru Cyfyngedig 
• Comisiynydd Plant Cymru 
• Comisiynydd Pobl Hyn Cymru 
• Cyngor Addysgu Cyffredinol Cymru
• Cyngor Cyllido Addysg Uwch Cymru
• Cyngor Gofal Cymru
• Gwasanaeth Derbyn y Prifysgolion a’r Colegau o The National Institute of Adult Continuing Education
• Y Cyngor Ceiropractig Cyffredinol
• Y Cyngor Deintyddol Cyffredinol 
• Y Cyngor Meddygol Cyffredinol
• Y Cyngor Nyrsio a Bydwreigiaeth 
• Y Cyngor Optegol Cyffredinol 
• Y Cyngor Osteopatheg Cyffredinol 
• Y Cyngor Proffesiynau Iechyd a Gofal  

• Cyrff Cyhoeddus: Cyffredinol (4) (17 sefydliad)
• Archwilydd Cyffredinol Cymru 
• Awdurdod Safonau Proffesiynol ar gyfer Iechyd a Gofal Cymdeithasol 
• Bwrdd Cyfiawnder Ieuenctid Cymru a Lloegr 
• Comisiwn Brenhinol Henebion Cymru 
• Comisiwn Cwynion Annibynnol yr Heddlu 
• Comisiwn Cydraddoldeb Hawliau Dynol 
• Comisiwn Ffiniau a Democratiaeth Leol Cymru 
• Comisiwn y DU dros Gyflogaeth a Sgiliau 
• Cymdeithas Llywodraeth Leol Cymru 
• Gwasanaeth Tribiwnlys Prisio Cymru
• Swyddfa’r Comisiynydd Gwybodaeth 
• Tribiwnlys Adolygu Iechyd Meddwl Cymru 
• Tribiwnlys Anghenion Addysgol Arbennig Cymru
• Tribiwnlys Eiddo Preswyl Cymru 
• Tribiwnlys Tir Amaethyddol Cymru
• Uned Ddata Cymru 

o Y Comisiwn Etholiadol