Mark Drakeford AS, Prif Weinidog
Cyhoeddwyd y cynnwys hwn dan weinyddiaeth Llywodraeth Cymru 2016 i 2021
Mae Llywodraeth Cymru yn bwriadu diwygio Rheoliadau Diogelu Iechyd (Coronafeirws, Teithio Rhyngwladol) Cymru 2020 ymhellach i dynnu Serbia oddi ar y rhestr o wledydd a thiriogaethau y mae teithwyr o’r lleoedd hynny wedi’u heithrio o’r gofyniad i hunanynysu am 14 diwrnod. Daw’r rheoliadau diwygiedig i rym ar 11 Gorffennaf.
Cafodd Serbia ei chynnwys yn y rhestr o wledydd a thiriogaethau esempt yn y Rheoliadau Diwygio a wnaed ar 9 Gorffennaf. Felly, mae pobl sy’n cyrraedd o Serbia wedi’u heithrio ac ar hyn o bryd nid oes rhaid iddynt gydymffurfio’r â’r gofyniad i hunanynysu.
Mae’r Gyd-ganolfan Bioamrywiaeth ac Iechyd Cyhoeddus Lloegr wedi ailasesu’r risg i iechyd y cyhoedd ac, o ganlyniad, mae Llywodraeth y DU wedi penderfynu y dylid tynnu Serbia oddi ar y rhestr o eithriadau yn y Rheoliadau Teithio Rhyngwladol ac wedi llunio diwygiadau i’r Rheoliadau cyfatebol ar gyfer Lloegr a ddaw i rym ar 11 Gorffennaf 2020.
Llywodraeth y DU sydd â’r cyfrifoldeb am reoli ffiniau’r DU. Drwy gydol y broses hon, mae Llywodraeth Cymru wedi ceisio bod yn adeiladol i alluogi Llywodraeth y DU i gyflawni ei hamcanion polisi.
Isod mae’r rhestr ddiwygiedig o’r gwledydd a’r tiriogaethau esempt yn y Rheoliadau.
- Akrotiri a Dhekelia
- Yr Almaen
- Andorra
- Anguilla
- Antigua a Barbuda
- Aruba
- Awstralia
- Awstria
- Y Bahamas
- Barbados
- Bermuda
- Bonaire, Sint Eustatius a Saba
- Caledonia Newydd
- Croatia
- Curaçao
- Cyprus
- De Korea
- Denmarc
- Dominica
- Yr Eidal
- Fiet-nam
- Fiji
- Y Ffindir
- Ffrainc
- Gibraltar
- Grenada
- Guadeloupe
- Gwlad Belg
- Gwlad Groeg
- Gwlad yr Iâ
- Gwlad Pwyl
- Gwladwriaeth Dinas y Fatican
- Hong Kong
- Hwngari
- Iwerddon
- Yr Iseldiroedd
- Jamaica
- Japan
- Kalaallit Nunaat (Greenland)
- La Reunion
- Liechtenstein
- Lithiwania
- Lwcsembwrg
- Macau
- Malta
- Mauritius
- Monaco
- Montserrat
- Norwy
- Polynesia Ffrengig
- Saint Barthélemy
- Saint Helena, Ascension a Tristan da Cunha
- Saint Kitts a Nevis
- Saint Lucia
- Saint Pierre a Miquelon
- San Marino
- Sbaen
- Seland Newydd
- Seychelles
- Y Swistir
- Taiwan
- Tiriogaeth Brydeinig yr Antarctig
- Tiriogaeth Brydeinig Cefnfor India
- Trinidad a Tobago
- Twrci
- Y Weriniaeth Tsiec
- Ynys Manaw
- Ynysoedd Cayman
- Ynysoedd De Sandwich a De Georgia
- Ynysoedd Falkland
- Ynysoedd Ffaröe
- Ynysoedd Pitcairn, Henderson, Ducie ac Oeno
- Ynysoedd Prydeinig y Wyryf
- Ynysoedd y Sianel
- Ynysoedd Turks a Caicos