Jane Hutt, y Gweinidog Cyfiawnder Cymdeithasol
Mae'n bleser gennyf nodi cyhoeddiad Adroddiad Blynyddol 2020-21 a luniwyd gan Yasmin Khan a Nazir Afzal OBE, y Cynghorwyr Cenedlaethol ar gyfer Trais yn erbyn Menywod, Trais ar sail Rhywedd, Cam-drin Domestig a Thrais Rhywiol. Mae hyn hefyd yn bodloni un o ofynion Deddf Trais yn erbyn Menywod, Cam-drin Domestig a Thrais Rhywiol (Cymru) 2015.
Mae'r adroddiad yn disgrifio'r cynnydd a wnaed gan y Cynghorwyr Cenedlaethol wrth gyflawni'r amcanion a bennwyd ganddynt yn eu cynllun blynyddol ar gyfer 2020-21. Mae hefyd yn cynnig asesiad o gyflawniadau Llywodraeth Cymru yn ystod y flwyddyn. Mae'n cydnabod y camau pwysig rydym wedi'u cymryd yn ystod pandemig COVID-19 er mwyn sicrhau bod dioddefwyr a goroeswyr wedi cael eu hamddiffyn a'u cefnogi yn ystod y cyfnod anodd hwn.
Yng ngoleuni hyn, rwyf wedi cytuno i gyfnodau'r Cynghorwyr Cenedlaethol presennol yn y swydd gael eu hymestyn tan fis Gorffennaf 2022. Bydd hyn yn ein galluogi i roi sefydlogrwydd y mae ei angen yn fawr i'n rhanddeiliaid a defnyddwyr eu gwasanaethau wrth inni symud allan o'r pandemig.
Hoffwn ddiolch i'r Cynghorwyr Cenedlaethol am yr arbenigedd amhrisiadwy y maent yn ei ddarparu a'r cymorth parhaus y maent wedi'i roi i mi a'm swyddogion drwy gydol y cyfnod adrodd hwn.
Gellir gweld yr adroddiad yma: