Mark Drakeford AS, y Prif Weinidog
Mae cynghorwyr arbennig yn rhoi dimensiwn gwleidyddol i'r cyngor a'r gefnogaeth sydd ar gael i Weinidogion ac yn atgyfnerthu hefyd ddidueddrwydd gwleidyddol y Gwasanaeth Sifil parhaol drwy fod yn ffordd arall o roi cyngor a chymorth gwleidyddol.
Fe'u penodir gan y Prif Weinidog i helpu Gweinidogion i ymateb i faterion pan fo gwaith y Llywodraeth a'r blaid sy'n llywodraethu yn gorgyffwrdd a phan na fyddai'n briodol i weision sifil parhaol gymryd rhan. Maent yn adnodd arall i'r Gweinidog ac yn rhoi cefnogaeth a ddaw o safbwynt sy'n fwy ymroddedig ac ymwybodol yn wleidyddol nag y byddai modd i'r Gwasanaeth Sifil parhaol ei gynnig i Weinidog.
Roedd 14 o Gynghorwyr Arbennig yn gweithio yn ystod blwyddyn ariannol 2020/21, sy'n cyfateb i 12 o gynghorwyr arbennig cyfwerth ag amser llawn ar gyfartaledd, fel y nodir isod:
|
Cynghorydd arbennig |
Band Cyflog |
|---|---|
|
Clare Jenkins [1] |
PB3 |
|
Jane Runeckles |
PB3 |
|
Gareth Williams |
PB3 |
|
Madeleine Brindley |
PB2 |
|
Kate Edmunds |
PB2 |
|
Andrew Johnson |
PB2 |
|
Tom Woodward |
PB2 |
|
Alex Bevan |
PB1 |
|
Daniel Butler * |
PB1 |
|
Ian Butler * |
PB1 |
|
Sara Faye [2] |
PB1 |
|
Paul Griffiths * |
PB1 |
|
Andy Pithouse * |
PB1 |
|
Mitchell Theaker [3] |
PB1 |
* Rhan-amser
Roedd cyfanswm cost y bil cyflogau ar gyfer y cyfnod 1 Ebrill 2020 i 31 Mawrth 2021 yn £1,100,923. Mae hyn yn cynnwys cyflogau, cyfraniadau yswiriant gwladol a chyfraniadau pensiwn cyflogeion.
[1] Secondai
[2] Rhan-amser hyd at 08/06/20. Amser llawn o 09/06/20
[3] Rhan-amser hyd at 30/09/20. Amser llawn o 01/10/20
Bandiau Cyflog Cynghorwyr Arbennig
Yn y tabl uchod, mae cyflog pob Cynghorydd Arbennig Llywodraeth Cymru wedi ei bennu yn cyfateb i fand cyflog Cynghorydd Arbennig Llywodraeth y DU yn unol â’i gyflog presennol. Mae bandiau cyflogau diweddaraf Cynghorwyr Arbennig Llywodraeth y DU fel a ganlyn:
PB1 - £40,500 - £60,500
PB2 - £57,000 - £80,000
PB3 - £73,000 - £102,000
PB4 - £96,000 - £145,000
Caiff y datganiad hwn ei gyhoeddi yn ystod y toriad er mwyn rhoi'r wybodaeth ddiweddaraf i aelodau. Os bydd aelodau eisiau i mi wneud datganiad pellach neu ateb cwestiynau ynglŷn â hyn pan fydd y Senedd yn dychwelyd, byddwn yn hapus i wneud hynny.