Rebecca Evans AC, Y Gweinidog Cyllid a’r Trefnydd
Cyhoeddwyd y cynnwys hwn dan weinyddiaeth Llywodraeth Cymru 2016 i 2021
Mae Ail Gyllideb Atodol Llywodraeth Cymru ar gyfer 2019-20 yn cael ei chyhoeddi heddiw.
Prif ddiben y Gyllideb Atodol hon yw dangos y newidiadau cyllidebol ers Cyllideb Atodol Gyntaf 2019-20 a gyhoeddwyd gan Lywodraeth Cymru ym mis Mehefin 2019.
Mae’n nodi nifer o ddyraniadau o’n cronfeydd wrth gefn, diwygiadau i ffynonellau cyllid, ac yn cynnwys rhagolygon diwygiedig ar gyfer Gwariant a Reolir yn Flynyddol.
Bydd y Gyllideb Atodol yn destun craffu gan y Pwyllgor Cyllid ar 12 Chwefror a bydd yn cael ei thrafod yn y Cyfarfod Llawn ddydd Mawrth 3 Mawrth.