Mark Drakeford AC, Ysgrifennydd y Cabinet dros Gyllid a Llywodraeth Leol
Cyhoeddwyd y cynnwys hwn dan weinyddiaeth Llywodraeth Cymru 2016 i 2021
Heddiw, cyhoeddais Gyllideb Atodol Gyntaf Llywodraeth Cymru ar gyfer 2016-17.
Prif ddiben y Gyllideb Atodol hon yw alinio strwythurau cyllidebol 2016-17 â’r newidiadau ym mhortffolios a chyfrifoldebau’r Gweinidogion a gyhoeddwyd gan Lywodraeth Cymru ym mis Mehefin, a dangos y newidiadau cyllidebol ers Cyllideb Derfynol 2016-17 a gyhoeddwyd gan Lywodraeth Cymru ym mis Mawrth.
Mae’n nodi hefyd nifer cyfyngedig o ddyraniadau o’n cronfeydd wrth gefn i gadarnhau ymrwymiadau a wnaed gan y Cynulliad diwethaf, ac yn cynnwys rhagolygon diwygiedig ar gyfer Gwariant a Reolir yn Flynyddol.