Lesley Griffiths, Ysgrifennydd y Cabinet dros yr Amgylchedd a Materion Gwledig
Cyhoeddwyd y cynnwys hwn dan weinyddiaeth Llywodraeth Cymru 2016 i 2021
Mae “Fframwaith Cymru ar Iechyd a Lles Anifeiliaid Cymru – Cyrraedd Safonau Uchel gyda’n Gilydd" yn disgrifio’r hyn yr ydym yn ei wneud i sicrhau bod gwelliannau’n cael eu gwneud yn barhaus i safonau iechyd a lles anifeiliaid. Mae ein gweledigaeth yn cael ei chynnwys mewn llawer o ganlyniadau cyffredin, er enghraifft: dylai anifeiliaid Cymru fod yn gynhyrchiol a iach gydag ansawdd bywyd da; dylai pobl allu ymddiried yn y ffordd y caiff bwyd ei gynhyrchu a chael hyder ynddo ynghyd â’r modd y mae iechyd y cyhoedd yn cael ei ddiogelu. Mae hefyd yn bwysig bod economi Cymru’n ffyniannus o ansawdd uchel. Mae’r canlyniadau hyn wedi’u hymgorffori yn y saith nod lles sydd yn Neddf Llesiant Cenedlaethau’r Dyfodol 2015. Mae iechyd a lles anifeiliaid yn gwneud cyfraniad pwysig i gynaliadwyedd y sector da byw a’r diwydiant bwyd a ffermio ehangach ac wrth gwrs, i gefn gwlad, yr amgylchedd, cymunedau a’r economi.
Dyma’r ail Gynllun Gweithredu i gael ei gyhoeddi o dan y Fframwaith. Caiff ei gyhoeddi mewn cyfnod pan rydym ond wedi megis dechrau ar y gwaith o asesu rhwymedigaethau Canlyniad Refferendwm yr Undeb Ewropeaidd. Mae hi’n rhy gynnar ar hyn o bryd i roi manylion ynghylch yr hyn fydd yn digwydd. Wedi dweud hynny, ni fydd yna unrhyw newidiadau yn cael eu gwneud i’r rheoliadau ac ni fydd y buddiannau a’r cyllid yr ydym yn ei gael gan yr Undeb Ewropeaidd yn newid chwaith. Byddwn yn mynd ati i wneud y gwaith sydd wedi’i amlinellu yng Nghynllun Gweithredu Fframwaith Cymru ar Iechyd a Lles Anifeiliaid ar gyfer 2016/17 er mwyn codi safonau iechyd a lles anifeiliaid yn barhaus a hybu da byw iach yng Nghymru, diogelu iechyd y cyhoedd, yr amgylchedd a diogelu’r economi leol hefyd.
Mae gweithio ar ffurf partneriaeth yn parhau i fod yn hollbwysig fel y gallwn ni roi’r fframwaith Iechyd a Lles Anifeiliaid ar waith yn llwyddiannus. Rwy’n ddiolchgar iawn i grŵp Fframwaith Cymru ar Iechyd a Lles Anifeiliaid Cymru, grŵp sy’n cael ei gadeirio gan Peredur Hughes, am eu gwaith caled a’u help yn paratoi’r cynllun.
Mae copi o Gynllun Gweithredu’r Fframwaith ar gyfer Iechyd a Lles Anifeiliaid Cymru yn 2016/17 ar gael ar lein.
Caiff y datganiad ei gyhoeddi yn ystod y toriad er mwyn rhoi'r wybodaeth ddiweddaraf i aelodau. Os bydd aelodau eisiau i mi wneud datganiad pellach neu ateb cwestiynau ynglŷn â hyn pan fydd y Cynulliad yn dychwelyd, byddwn yn hapus i wneud hynny.
Dyma’r ail Gynllun Gweithredu i gael ei gyhoeddi o dan y Fframwaith. Caiff ei gyhoeddi mewn cyfnod pan rydym ond wedi megis dechrau ar y gwaith o asesu rhwymedigaethau Canlyniad Refferendwm yr Undeb Ewropeaidd. Mae hi’n rhy gynnar ar hyn o bryd i roi manylion ynghylch yr hyn fydd yn digwydd. Wedi dweud hynny, ni fydd yna unrhyw newidiadau yn cael eu gwneud i’r rheoliadau ac ni fydd y buddiannau a’r cyllid yr ydym yn ei gael gan yr Undeb Ewropeaidd yn newid chwaith. Byddwn yn mynd ati i wneud y gwaith sydd wedi’i amlinellu yng Nghynllun Gweithredu Fframwaith Cymru ar Iechyd a Lles Anifeiliaid ar gyfer 2016/17 er mwyn codi safonau iechyd a lles anifeiliaid yn barhaus a hybu da byw iach yng Nghymru, diogelu iechyd y cyhoedd, yr amgylchedd a diogelu’r economi leol hefyd.
Mae gweithio ar ffurf partneriaeth yn parhau i fod yn hollbwysig fel y gallwn ni roi’r fframwaith Iechyd a Lles Anifeiliaid ar waith yn llwyddiannus. Rwy’n ddiolchgar iawn i grŵp Fframwaith Cymru ar Iechyd a Lles Anifeiliaid Cymru, grŵp sy’n cael ei gadeirio gan Peredur Hughes, am eu gwaith caled a’u help yn paratoi’r cynllun.
Mae copi o Gynllun Gweithredu’r Fframwaith ar gyfer Iechyd a Lles Anifeiliaid Cymru yn 2016/17 ar gael ar lein.
Caiff y datganiad ei gyhoeddi yn ystod y toriad er mwyn rhoi'r wybodaeth ddiweddaraf i aelodau. Os bydd aelodau eisiau i mi wneud datganiad pellach neu ateb cwestiynau ynglŷn â hyn pan fydd y Cynulliad yn dychwelyd, byddwn yn hapus i wneud hynny.