Datganiad Ysgrifenedig - Crynodeb Llywodraeth Cymru o’r Ymatebion i’r Papur Gwyn - Bil Safonau a Threfniadaeth Ysgolion (Cymru) 2012

Ar 10 Hydref 2011 cyhoeddais Bapur Gwyn i gael barn pobl ynghylch cynigion am Fil Safonau a Threfniadaeth Ysgolion (Cymru). Cyhoeddaf heddiw [26 Mawrth 2012] grynodeb o’r ymatebion a gafwyd i’r Papur Gwyn.  
Bydd y Bil Drafft yn cynnwys darpariaethau ar gyfer y meysydd canlynol:

• Ymyrryd mewn ysgolion sy’n peri pryder;
• Canllawiau ar Wella Ysgolion;
• Trefniadaeth Ysgolion;
• Cynlluniau Strategol Cymraeg mewn Addysg;
• Cyfarfodydd Rhieni Blynyddol;
• Brecwast am ddim mewn ysgolion;
• Cwnsela mewn ysgolion;
• Codi taliadau hyblyg am brydau ysgol;

Mae’r newidiadau uchod yn rhai pwysig ac yn rhan o’r pecyn o ddiwygiadau y bwriadaf eu cyflwyno ar gyfer addysg yn ystod tymor presennol Llywodraeth Cymru.Fy mwriad yw cyflwyno’r Bil Drafft gerbron Cynulliad Cenedlaethol Cymru ar ôl toriad y Pasg.