Lesley Griffiths AC, y Gweinidog dros yr Amgylchedd, Ynni a Materion Gwledig
Cyhoeddwyd y cynnwys hwn dan weinyddiaeth Llywodraeth Cymru 2016 i 2021
Roedd ymgynghoriad Llywodraeth Cymru Brexit a'n Tir yn gofyn am ymatebion i'w chynigion ar gyfer Rhaglen Rheoli Tir newydd ar gyfer Cymru. Roedd yn esbonio'r rhesymau dros newid, y pum egwyddor ar gyfer cynnig cefnogaeth yn y dyfodol a disgrifiad bras o'r cynlluniau cymorth.
Daeth dros 12,000 o ymatebion unigol i law gan amrywiaeth eang o randdeiliaid ac unigolion.
Ar ôl cau'r ymgynghoriad, comisiynodd Llywodraeth Cymru gwmni ymchwil annibynnol i gynhyrchu crynodeb cynhwysfawr o'r ymatebion. Rwyf heddiw'n cyhoeddi'r crynodeb hwnnw o'r ymatebion a hefyd ymateb Llywodraeth Cymru ei hun, yn ogystal â phecyn tystiolaeth - 'Amaethyddiaeth yng Nghymru'. Mae'r dystiolaeth hon yn asesu mewn ffordd wrthrychol sefyllfa'r sector amaethyddol yng Nghymru ar hyn o bryd gan ddarparu dogfen ffynhonnell fydd yn helpu Llywodraeth Cymru i ddatblygu'i chynigion ar gyfer ei gefnogi yn y dyfodol.
Rwyf am gyhoeddi dogfen ddilynol, fanylach cyn Sioe Frenhinol Cymru ddechrau mis Gorffennaf eleni.
- I weld y crynodeb o'r ymatebion, ewch i: https://llyw.cymru/cymorth-i-ffermwyr-cymru-ar-ol-brexit
- Fe welwch ymateb Llywodraeth Cymru yma: https://llyw.cymru/brexit-tir-ein-hymatebion
- I weld y pecyn tystiolaeth, ewch i: https://llyw.cymru/amaethyddiaeth-yng-nghymru