Datganiad ysgrifenedig: Academi Genedlaethol Arweinyddiaeth Addysgol, cadeirydd ac aelodau bwrdd

Mae'n bleser gennyf gyhoeddi Cadeirydd ac Aelodau Bwrdd yr Academi Genedlaethol Arweinyddiaeth Addysgol yn dilyn proses penodiadau cyhoeddus.

Fel Bwrdd, byddant yn chwarae rôl hanfodol o ran sicrhau bod yr Academi yn cyflawni ei nod o sicrhau bod arweinwyr yn y system addysg yn cael mynediad at gyfleoedd datblygu arweinyddiaeth cydlynol, hygyrch ac o ansawdd uchel sy'n diwallu eu hanghenion lle bynnag y maent a beth bynnag fo cyfnod eu gyrfa a'u huchelgeisiau.

Dyma aelodau'r Bwrdd:

Cadeirydd

Dr Sue Davies - mae Sue yn arbenigwr o fri ym maes addysg. Mae ganddi brofiad academaidd yn ogystal â phrofiad o addysgu a sicrhau ansawdd. Mae wedi gweithio mewn sawl sector ac yn dod â gwybodaeth a statws sylweddol i'r rôl.

Aelodau'r Bwrdd

• Dr John Graystone - mae gan John gyfoeth o brofiad, yn enwedig ym maes arweinyddiaeth Addysg Bellach, ond mae hefyd yn Aelod Bwrdd ac yn Gadeirydd ar gyfer nifer o gyrff yn y sector cyhoeddus a'r trydydd sector
• Yr Athro Stephen Hagen - mae Stephen yn uwch-reolwr profiadol ac yn arweinydd academaidd yn sector Addysg Uwch y DU ac yn rhyngwladol
• Michael James - mae gan Michael sgiliau gwerthfawr ym meysydd cyllid ac archwilio, ac mae ganddo hefyd brofiad helaeth fel arweinydd mewn cwmni cyllid byd-eang
• Rosemary Jones OBE - mae gan Rosemary brofiad helaeth fel Pennaeth uwchradd ynghyd ag arbenigedd mewn addysg cyfrwng Cymraeg. Mae'n siarad Cymraeg
• Dr Paul Marshall - mae gan Paul brofiad sylweddol ym meysydd cyllid ac archwilio, yn ogystal â chefndir llwyddiannus mewn Addysg Uwch ar draws y DU
• Davina Payne - mae gan Davina gefndir yn y cyfryngau a'r maes chyfathrebu ac yn berchen ar ei chwmni cyfryngol ei hun. Mae hefyd yn aelod lleyg o banel Gofal Cymdeithasol Cymru
• Claire Williams - mae Claire yn dod â phrofiad cyfredol gwerthfawr fel Pennaeth cynradd llwyddiannus i'r Bwrdd