Datblygu strategaeth effeithlonrwydd ynni ar gyfer Cymru

Gweithredu ar ddefnyddio ynni yn fwy effeithlon:

• yn cyfrannu llawer ar draws ein hamcanion lles
• elfen bwysig ym maes twf gwyrdd swyddi sgiliau a chadwyni cyflenwi
• y ffordd mwyaf cost-effeithiol o fodloni ein hymrwymiadau i leihau allyriadau carbon
• yn gostwng costau busnesau a'r sector cyhoeddus
• gall fynd i'r afael yn uniongyrchol â thlodi tanwydd a rhoi arian yn ôl ym mhocedi pobl.  

Cafodd Llywodraeth Cymru effaith sylweddol ar y sefyllfa hyd yma gyda'i rhaglenni effeithlonrwydd ynni a thrwy bennu y cyfeiriad hirdymor yn Strategaeth Effeithlonrwydd Ynni gyntaf Cymru dyma ein cyfle nawr i drafod yn ehangach er mwyn manteisio ar y cyfleoedd a mynd i'r afael â'r rhwystrau i alluogi hyn.    

Nid yw'r pwerau i weithredu ar effeithlonrwydd ynni wedi'u datganoli'n llawn i Gymru felly rydym wedi'n cyfyngu i hyrwyddo effeithlonrwydd ynni tra bo Llywodraeth y DU yn rheoleiddio effeithlonrwydd ynni.  

Cynhaliwyd galwad am dystiolaeth ar effeithlonrwydd ynni rhwng 18 Hydref a'r 8 Ionawr 2015 i holi barn rhanddeiliaid am y weledigaeth bosibl ar gyfer defnyddio ynni yn fwy effeithlon yng Nghymru a'r opsiynau ar gyfer y ffordd  ymlaen.  Cyhoeddwyd dogfen o ganlyniadau yr alwad am dystiolaeth ochr yn ochr â'r strategaeth ddrafft hon.  

Cafodd pob ymateb ei ystyried yn llawn er mwyn sefydlu'r dystiolaeth a datblygu'r strategaeth hyd yn oed ymhellach ac rydym yn credu bod y strategaeth ddrafft hon yn adlewyrchu'r dystiolaeth bresennol a safbwyntiau'r rhanddeiliaid.  Hoffem yn awr roi'r cyfle ichi lunio'r strategaeth derfynol.