Data o brofion ar gyfer coronafeirws (COVID-19): hyd at 30 Mai 2021

Ystadegau ynglŷn â phrofion coronafeirws:

• profion antigenau a awdurdodwyd bob dydd
• nifer yr unigolion a brofwyd (antigenau)
• nifer y profion antigenau i weithwyr hanfodol
• lleoliad y profion antigenau
• amseroldeb y profion antigenau
• profion gwrthgyrff

Mae nhw wedi’u cyhoeddi i roi’r crynodeb wythnosol ynglŷn â phrofion coronafeirws.

Gwybodaeth reoli yw'r data, nid ystadegau swyddogol, ac fe'u hadolygir yn rheolaidd. Mae dangosfwrdd gwyliadwriaeth Iechyd Cyhoeddus Cymru yn cael ei ddiweddaru'n ddyddiol gyda'r data diweddaraf, gan gynnwys diwygiadau i'r data a gyhoeddir yma.

Mae ein canllaw Deall data ar brofi coronafirws (COVID-19) yn rhoi esboniad pellach o'r data hyn.

Ni chynhwysir profion llif unffordd antigenau (megis y rhai sy'n cael eu defnyddio yn y canolfannau profi torfol ym Merthyr Tudful) yn y cyhoeddiad hwn. Os caiff person ganlyniad positif o brawf llif unffordd antigenau mae'n ofynnol iddo gwblhau prawf antigenau swab safonol a fyddai'n cael ei gynnwys yn y data a gyflwynir.

Mae'r data gwaelodol a gyhoeddwyd yn flaenorol yn nhablau 6 i 11 yn y tablau excel sy'n cyd-fynd â'r datganiad hwn bellach ar gael ar StatsCymru. Mae Iechyd Cyhoeddus Cymru yn cyhoeddi dangosfwrdd gwyliadwriaeth dyddiol sy'n cynnwys y data dyddiol, a gyhoeddwyd yn flaenorol yn nhablau 1 i 5.