Cynllunwyr coetir cofrestredig: canllaw

Mae cynllunwyr coetir cofrestredig yn goedwigwyr a rheolwyr tir profiadol. Maen nhw wedi gwneud cais i fod yn rhan o'r Gofrestr. Maen nhw'n rhoi cyngor proffesiynol am blannu a rheoli coetiroedd. 

Maen nhw'n gweithio gydag ymgeiswyr i gynllunio, paratoi a chyflwyno cynllun coetir ar eu rhan. Os ydych am wneud gweithgareddau coetir ar eich tir a gwneud cais am grant coetir oddi wrth Lywodraeth Cymru, bydd angen ichi ddefnyddio cynllunydd coetir cofrestredig. Mae arian ar gael i dalu am gost paratoi cynllun.

I fod yn gymwys i fod ar y Gofrestr, mae angen i gynllunwyr coetir cofrestredig wneud y canlynol:

• naill ai fod yn aelod o Sefydliad Siartredig fel: 
  • Sefydliad y Coedwigwyr Siartredig
  • Y Sefydliad Siartredig Ecoleg a Rheoli Amgylcheddol 
  • Sefydliad Brenhinol y Syrfewyr Siartredig
• neu ddarparu tystiolaeth i ddangos eu bod wedi ysgrifennu cynlluniau coetir sy'n bodloni Safon Goedwigaeth y DU (UKFS) yn ystod y 5 mlynedd diwethaf
• cytuno â'r Telerau a'r Amodau
• darparu tystiolaeth i ddangos bod ganddynt Yswiriant Indemniad Proffesiynol cyfredol hyd at £500,000.

Mae'r wybodaeth ar y rhestr cynllunwyr coetir yn cynnwys:

• y rhanbarthau lle maen nhw'n gweithio
• eu manylion cyswllt
• bywgraffiad byr o'r gwaith maen nhw'n ei wneud 

er mwyn ichi fedru cysylltu â chynllunydd sy'n briodol ar gyfer eich gofynion chi. 

Unwaith y byddwch wedi: 

• dewis cynllunydd, ac 
• wedi penderfynu gwneud cais am grant coetir perthnasol, 

bydd angen ichi ddewis busnes y cynllunydd hwnnw wrth ichi wneud cais drwy RPW (Taliadau Gwledig Cymru) Ar-lein. Gweler RPW Ar-lein: sut i gofrestru.

Os ydych chi'n:

• gynllunydd coetir, neu'n 
• fusnes cynllunio coetiroedd 

ac yr hoffech gael eich cynnwys ar y Gofrestr, gweler Ymuno â'r Gofrestr Cynllunwyr Coetir.