Cynllun gweithredu adfer Natur

Cafodd Cynllun Gweithredu Adfer Natur Cymru ei gyhoeddi gyntaf ym mis Rhagfyr 2015 o dan yr enw y Cynllun Adfer Natur. Dyma’r Strategaeth Bioamrywiaeth Genedlaethol a’r Cynllun Gweithredu ar gyfer Cymru.  

Rhan 1: Mae Ein Strategaeth ar gyfer Natur yn amlinellu’r ymrwymiad i wrthdroi colli bioamrywiaeth yng Nghymru, a'r amcanion ar gyfer gweithredu. 

Mae’n amlinellu sut mae Confensiwn Rhaglen Amgylcheddol y Cenhedloedd Unedig ar Amrywiaeth Fiolegol (a Thargedau Bioamrywiaeth cysylltiedig Aichi ar gyfer 2011–20 yng Nghymru) yn derbyn sylw yng Nghymru.   

Rhan 2:  Mae ein Cynllun Gweithredu wedi cael ei adolygu ar gyfer 2020–21 i roi ffocws a nodi blaenoriaethau o fewn cyd-destun polisi sy’n newid yn gyflym a’r argyfwng ecolegol sy’n dod i’r amlwg.    

Bydd Strategaeth Natur 2015 yn parhau i fod ar waith nes iddi gael ei halinio i ystyried y fframwaith ar gyfer Confensiwn y Cenhedloedd Unedig ar Amrywiaeth Fiolegol ar ôl 2020.