Cymorth i aelwydydd i ymateb i’r pwysau ar gostau byw
Cynnwys
Pa gyllid sydd ar gael?
Mae £38 miliwn wedi'i ddarparu drwy Gynllun Cymorth Tanwydd Gaeaf. Mae hyn yn rhan o becyn cymorth o dros £50m i fynd i'r afael â’r pwysau ar gostau byw.
Gall aelwydydd cymwys hawlio taliad untro o £100 gan eu cyngor lleol. Diben yr arian yw rhoi cymorth tuag at dalu biliau tanwydd y gaeaf.
Bydd y taliad ar gael i bob aelwyd gymwys waeth sut y maent yn talu am danwydd. Mae hyn yn cynnwys taliadau a wneir ar fesurydd rhagdalu, drwy ddebyd uniongyrchol neu drwy dalu bil bob chwarter.
Beth yw’r gronfa?
Cyhoeddwyd pecyn o gyllid gwerth £51.7m ar 16 Tachwedd 2021. Mae’r gronfa’n helpu aelwydydd incwm isel i ymdopi â'r pwysau ar gostau byw y gaeaf hwn. Ei nod yw lleihau effaith y toriad i Gredyd Cynhwysol a’r Credyd Treth Gwaith a chost gynyddol ynni.
Pwy all wneud cais?
Mae'r cynllun yn agored i aelwydydd lle mae un aelod yn derbyn budd-dal lles penodol. Rhaid eich bod wedi bod yn hawlio'r budd-daliadau hyn ar unrhyw adeg rhwng 01 Rhagfyr 2021 a 31 Ionawr 2022.
- Cymhorthdal Incwm,
- Lwfans Ceisio Gwaith yn Seiliedig ar Incwm
- Lwfans Cyflogaeth a Chymorth yn Seiliedig ar Incwm
- Credyd Cynhwysol
- Credydau Treth Gwaith
Rhaid eich bod hefyd yn gyfrifol am dalu'r biliau ynni ar gyfer yr eiddo.
Sut i wneud cais
Bydd yr awdurdodau lleol yn ysgrifennu at aelwydydd cymwys i alluogi'r taliad. Gall unigolion hefyd ddewis cyflwyno hawliad drwy wefan eu cyngor lleol o 13 Rhagfyr 2021.
Rhaid i bob cais gael ei dderbyn gan gyngor lleol cyn 18 Chwefror 2022.
Caiff y taliadau eu gwneud o 13 Rhagfyr 2021 tan 31 Mawrth 2022.
Efallai eich bod yn dal i brofi caledi ariannol difrifol. Os felly, gallech wneud hawliad i'r Y Gronfa Cymorth Dewisol.