Cynllun cymorth ar gyfer seilwaith twristiaeth leol a chyfleusterau ymwelwyr

Os ydych yn defnyddio’r cynllun hwn i ddyfarnu cymorthdaliadau, rhaid ichi roi gwybod i’r Uned Rheoli Cymorthdaliadau drwy anfon e-bost i: scu@gov.wales.

Cymru gyfan

Cymorth ar gyfer Seilwaith Twristiaeth Leol a Chyfleusterau Ymwelwyr

Adran 126 o Ddeddf Grantiau Tai, Adeiladu ac Adfywio 1996 ("Deddf 1996")

Adran 58A o Ddeddf Llywodraeth Cymru 2006

Adran 60 o Ddeddf Llywodraeth Cymru 2006 ("Deddf 2006")

Bydd y cynllun yn canolbwyntio ar gyrchfannau a lleoliadau pan fo angen strategol clir am fuddsoddiad gwell mewn seilwaith twristiaeth, gan ganolbwyntio'n benodol ar ardaloedd sy'n wynebu nifer uchel o ymwelwyr.

Er na fydd y prosiectau a gefnogir gan y cynllun ynddynt eu hunain yn denu ymwelwyr, bydd y cynllun yn buddsoddi mewn cyfleusterau a fydd yn gwella boddhad ymwelwyr a phobl leol, yn darparu gwell cyfleusterau i ymwelwyr anabl ac yn gwella cynaliadwyedd amgylcheddol cyrchfannau allweddol. Gall yr elfennau hyn, os nad ydynt ar gael neu heb eu rheoli'n iawn, atal ymwelwyr rhag dod neu eu hatal rhag dychwelyd.

Mae amcanion y cynllun fel a ganlyn:

• Creu cyrchfannau amgylcheddol gynaliadwy ac ymateb i'r argyfwng hinsawdd
• Lliniaru pwysau mewn lleoliadau prysur a chefnogi cyrchfannau twristiaeth o ansawdd uchel
• Twristiaeth gynhwysol a gwella hygyrchedd.
• Gwella'r cynnig i ymwelwyr

Llywodraeth Cymru

Bydd y cynllun yn canolbwyntio ar gyrchfannau a lleoliadau pan fo angen strategol clir am fuddsoddiad gwell mewn seilwaith, ac mae'n agored i'r canlynol:

• Awdurdodau Lleol
• Awdurdodau Parciau Cenedlaethol

Rhaid i bob prosiect ddangos cydweithio mewn partneriaeth â phartneriaid cyrchfannau ehangach ac ymgynghori ar draws sectorau. Bydd angen i Awdurdodau Lleol ddangos eu bod wedi ymgysylltu â phartneriaid cyrchfannau ehangach a chyda'r Partneriaethau / Sefydliadau Rheoli Cyrchfannau lle maent wedi'u sefydlu. Yn eu ceisiadau, gall Awdurdodau Lleol hefyd gynnwys prosiectau a ddarperir gan bartneriaid o'r trydydd sector.

Gweithgarwch gan wasanaethau eraill

4 Hydref 2024 tan 31 Mawrth 2030

£12,500,000

Bydd yr holl gymorthdaliadau a ddyfernir o dan y Cynllun yn cael eu dyfarnu drwy grantiau.

Bydd y gronfa yn blaenoriaethu buddsoddiad strategol mewn cyrchfannau twristiaeth, ac o ganlyniad, dim ond ar gyfer Awdurdodau Lleol ac Awdurdodau Parciau Cenedlaethol y bydd ar gael. Bydd hyn yn ein galluogi i flaenoriaethu'r cyllid sydd ar gael ar gyfer prosiectau seilwaith mewn cyrchfannau twristiaeth strategol bwysig lle ceir tystiolaeth glir o angen.

Rhaid i'r prosiect gyd-fynd â blaenoriaethau'r gronfa a chyd-fynd â blaenoriaethau o ran seilwaith cyrchfannau / yr awdurdodau lleol eu hunain.

Ni chaiff dwysedd y cymhorthdal fod yn fwy na 80% o'r costau cymwys.

£500,000