Rydyn ni’n gwybod bod costau byw cynyddol yn anodd, yn enwedig os ydych chi’n cael trafferth gwresogi eich cartref.  Yn y gaeaf, mae’n bwysicach nag erioed i wneud yn siŵr bod eich cartref yn ddiogel ac yn gynnes. 

Mae Cynllun Cartrefi Clyd Nyth Llywodraeth Cymru yma i’ch helpu chi.

Ers 2011, mae Nyth wedi darparu gwelliannau ynni cartref am ddim i dros 60,000 o aelwydydd. Mae'r gwelliannau hyn wedi cynnwys systemau gwresogi, inswleiddio a phaneli solar i helpu i ostwng biliau ynni a gwella iechyd a lles.Pan fyddwch yn cysylltu â ni, bydd ein tîm o gynghorwyr cyfeillgar yn cynnig cyngor diduedd i chi er mwyn eich helpu i leihau eich biliau ynni a gwella eich iechyd a’ch llesiant drwy’r canlynol:

• y tariff ynni a dŵr gorau i’ch cartref
• budd-daliadau i gynyddu incwm eich aelwyd
• help i leihau’ch ôl troed carbon
• cyngor ar osod eich technoleg carbon eich hun

Bydd ein cynghorwyr yn gallu eich helpu i wybod a allwch fanteisio ar welliannau am ddim i arbed ynni.

Os ydych yn gymwys, gallwn gynnig pecyn o welliannau wedi’u teilwra’n arbennig i chi. Gallai’r pecyn gynnwys trwsio boeler neu amnewid, gwres pwmp, inswleiddio a phaneli solar.

Siaradwch ag un o'n cynghorwyr

Gallwch hefyd ffonio Nyth am ddim ar 0808 808 2244 (dydd Llun i ddydd Gwener rhwng 9am a 6pm) neu gwnewch cais am alwad yn ôl yn ôl gan un o'n cynghorwyr cyfeillgar.

Croesawir galwadau yn Gymraeg.