Cynigion ar gyfer diwygio'r ffordd y mae dyddiadau tymhorau ysgol yn cael eu pennu ar gyfer pob ysgol a gynhelir yng Nghymru

Mae Llywodraeth Cymru yn awyddus i helpu teuluoedd sy’n cael problemau oherwydd bod dyddiadau tymor ysgol ac felly gwyliau ysgol yn amrywio ledled Cymru.

Ein bwriad yw cysoni dyddiadau tymor ysgol ar gyfer yr holl ysgolion a gynhelir yng Nghymru fel nad ydynt fel arfer yn amrywio a’u bod yn gwneud hynny dim ond pan fo cyfiawnhad llawn.

Rydym o’r farn y gellir cyflawni hyn trwy sicrhau bod y sefydliadau sy’n gyfrifol ar hyn o bryd am bennu dyddiadau tymhorau ar gyfer yr holl ysgolion a gynhelir yng Nghymru yn cydweithio i gytuno ar ddyddiadau tymor ysgol ar gyfer Cymru gyfan. Mewn achosion lle nad yw hynny’n digwydd neu lle mae rheswm da dros newid dyddiadau tymor ysgol y cytunwyd arnynt mae’r Llywodraeth yn bwriadu cyflwyno deddfwriaeth i ganiatáu i Weinidogion Cymru ymyrryd i sicrhau bod dyddiadau priodol yn cael pennu.