Cynhyrchu a defnydd ynni: 2013

Prif bwyntiau

• Mae cyfanswm y trydan a gynhyrchir yng Nghymru wedi parhau i ostwng ers 2010, ond yn fwy raddol ym mhob blwyddyn olynol, gan ostwng 0.8% rhwng 2012 a 2013. Mae'r duedd i lawr yn bennaf oherwydd y gostyngiad mewn trydan a gynhyrchir o nwy.
• Mae cyfanswm y trydan a gynhyrchir o adnoddau adnewyddadwy yng Nghymru wedi cynyddu'n raddol, yn codi gan 9% rhwng 2012 a 2013, sydd yn bennaf oherwydd y cynnydd mewn cynhyrchu gwynt.
• Mae canran y trydan a gynhyrchir yng Nghymru o ffynonellau adnewyddadwy wedi parhau i gynyddu ers 2004, gan gyrraedd 10% yn 2013. Mae hyn yn is na chyfartaledd y DU (15%), a’r isaf o wledydd y DU.
• Mae cyfanswm y defnydd o ynni wedi bod yn gostwng ers 2005, er yn fwy felly ers 2007 sy'n cyd-fynd â'r dirywiad economaidd. Mae'n ymddangos bod y sector diwydiant a masnachol yn gyfrifol am y gyfran fawr o'r gostyngiad hwn.