Cymru ddi-dipio

Rydym yn datblygu strategaeth tipio anghyfreithlon newydd gan fod y strategaeth bresennol a dogfen bartneriaeth Taclo Tipio Cymru “Ymfalchïo yn ein Cymunedau” yn dod i ben yn 2012.

Tipio yw'r term cyffredin sy'n cael ei ddefnyddio i ddisgrifio gwastraff sy'n cael ei adael ar dir yn anghyfreithlon. Rydym wedi ymrwymo i fynd i'r afael â thipio anghyfreithlon. Rydym wedi ariannu menter 5 mlynedd dan yr enw Taclo Tipio Cymru sydd wedi bod yn llwyddiannus ond mae gwaith i’w wneud o hyd.

Mae’r ymgynghoriad hwn yn gosod ein gweledigaeth newydd ar gyfer:

Cymru rhydd rhag niwed cymdeithasol economaidd ac amgylcheddol annerbyniol wedi’i achosi gan dipio anghyfreithlon. Dyfodol lle’r ydym oll yn cydweithio i gymryd cyfrifoldeb dros ein gwastraff ac i ymfalchïo yn ein cymunedau.

Mae’r ymgynghoriad hwn yn nodi canlyniadau allweddol i herio tipio anghyfreithlon ledled Cymru yn y dyfodol gan gynnwys:

• ymrwymiad gan bob sefydliad allweddol yng Nghymru i ddileu tipio anghyfreithlon
• dealltwriaeth eang bod tipio anghyfreithlon yn annerbyniol mewn cymdeithas
• haws i bobl ddelio â’u gwastraff mewn ffordd gyfrifol
• unrhyw un sy’n tipio’n anghyfreithlon yn cael ei ddal a’i gosbi’n briodol.