Cymorth i Brynu - Cymru (Cynllun Benthyciad Ecwiti a Rennir): Ionawr i Fawrth 2019

Prif bwyntiau

• Rhwng 2 Ionawr 2014 a 31 Mawrth 2019, cafodd 8,731 o gartrefi eu prynu gan ddefnyddio’r cynllun Cymorth i Brynu. Prynwyr tro cyntaf oedd 76% o’r rhain.
• Cyfanswm gwerth y benthyciadau ecwiti dros y cyfnod hwn oedd £326.7 miliwn gyda gwerth y cartrefi a brynwyd yn dod i £1,649.5 miliwn.
• Cynyddodd nifer y cartrefi a brynwyd yn flynyddol i uchafswm o 1,939 yn 2017-18 cyn gostwng 5% i 1,839 yn 2018-19.
• Hyd yma, £188,925 oedd y pris cymedrig a dalwyd am y cartrefi a brynwyd ac roedd y canolrif ychydig yn is £182,995. Yn ystod 2018-19, £200,878 oedd y pris cymedrig a £196,995 y canolrif.
• O’r cyfnod ers dechrau’r cynllun hyd at 31 Mawrth 2019, roedd bron tri chwarter (74%) o’r holl gartrefi a brynwyd gan aelwydydd lle roedd incwm y cartref rhwng £20,000 a £50,000.
• Roedd dros hanner (52%) o’r holl gartrefi a brynwyd yn rhai tair ystafell wely ac roedd 47% ar gyfer aelwydydd 2 oedolyn a 2 blentyn.