Cymorth i Brynu – Cymru (Cynllun Benthyciad Ecwiti a Rennir): Ebrill 2019 i Fawrth 2020

Prif bwyntiau

• Rhwng 2 Ionawr 2014 a 31 Mawrth 2020, cafodd 10,481 o gartrefi eu prynu gan ddefnyddio’r cynllun Cymorth i Brynu – Cymru.  Prynwyr tro cyntaf oedd 76 y cant o’r rhain.
• Cyfanswm gwerth y benthyciadau ecwiti dros y cyfnod hwn oedd £399.1 miliwn gyda gwerth y cartrefi a brynwyd yn dod i £2,015.5 miliwn.
• Prynwyd cyfanswm o 1,749 o gartrefi yn defnyddio cynllun Cymorth i Brynu – Cymru yn 2019-20.
• Hyd yn hyn, y pris prynu cymedrig a dalwyd am yr holl bryniannau a gwblhawyd oedd £192,296 tra bo’r canolrif yn is, sef £185,995.
• Yn ystod 2019-20, y pris prynu cymedrig a dalwyd oedd £209,162 a £207,995 oedd y canolrif.
• Ers cychwyn y cynllun a hyd at 31 Mawrth 2020, aelwydydd ag incwm o rhwng £20,000 a £50,000 ar gyfartaledd sy’n gyfrifol am bron i dri chwarter (74%) o’r holl bryniannau a gwblhawyd
• Hyd yma, mae dros hanner (53%) o’r holl eiddo a brynwyd wedi bod yn eiddo â thair ystafell wely, ac roedd 46% yn aelwydydd yn cynnwys 2 oedolyn a dim plant.

Nodyn

Casglwyd y wybodaeth ar ran Llywodraeth Cymru gan Gymorth i Brynu (Cymru) Cyf. Mae data misol yn cael eu cyhoeddi ar StatsCymru Mae'r wybodaeth a gyhoeddir ar StatsCymru yn cynnwys data ar lefel awdurdod lleol.