Cylch gorchwyl ar gyfer Grŵp Tasglu Parcio ar y Palmant Cymru
Cylch gorchwyl ar gyfer Grŵp Tasglu Parcio ar y Palmant Cymru.
1. Cwmpas
Bydd y Grŵp Tasglu Parcio ar y Palmant Cymru (GTPP) yn cynnal adolygiad o’r dystiolaeth a goblygiadau gwahardd parcio ar y palmant a rhwystrau i droetffyrdd yng Nghymru. Cynigir y bydd yr adroddiad terfynol yn mynd at y Gweinidog a'r Dirprwy Weinidog yn Hydref2020.
Bydd tystiolaeth gan rhanddeiliaid/grwpiau defnyddwyr yng Nghymru i'w chasglu ynghyd â dadansoddiad o ddata, adroddiadau, neu ganfyddiadau ymholiadau eraill a ddefnyddir i bennu canlyniadau a gwneud argymhellion.
Bydd cyfres o ffrydiau gwaith wedi eu rheoli gan Grwpiau Prosiect (GP) yn cael eu sefydlu gan GTPP i ymchwilio i’r materion ymarferol sy’n gysylltiedig â gwneud y newid hwn. Bydd y gwaith yn nodi materion fel sut y dylid ei weithredu, gan ystyried costau a buddion, yn ogystal â'r modd o gyflawni'r isadeiledd a'r newidiadau ymddygiad sy'n ofynnol er mwyn iddo fod yn llwyddiannus.
2. Allan o’r Cwmpas
Rhwystrau eraill i droetffyrdd e.e. pwyntiau gwefru cerbydau trydan ar balmentydd, dodrefn stryd, byrddau A (hysbysebu) y tu allan i siopau a caffis, gan fod awdurdodau lleol ar hyn o bryd yn mynd i'r afael â hyn.
3. Aelodaeth y Grŵp Tasglu (GTPP)
- British Parking Association
- Confederation of Passenger Transport UK
- Anabledd Cymru
- Ffederasiwn Busnesau Bach (FSB)
- Sefydliad Trafnidiaeth Cludo Nwyddau
- Gwasanaeth Tân ac Achub
- Guide Dogs
- Living Streets
- Cynrychiolwyr Rhanbarthol Awdurdodau Lleol
- Cyd-bwyllgor PATROL (Rheoliadau Parcio a Thraffig Tu Allan i Lundain)
- Heddlu
- Iechyd Cyhoeddus Cymru
- Cymdeithas Cludiant Ffyrdd
- SUSTRANS
- Tribiwnlys Cosbau Traffig Cymru a Lloegr
- Llywodraeth Cymru
- Cymdeithas Llywodraeth Leol Cymru