Neidio i'r prif gynnwy

Ei Uchelder Brenhinol Dug Caeredin, 10 Mehefin 1921 i 9 Ebrill 2021

Darllenwch am y trefniadau yn dilyn marwolaeth Dug Caeredin

Crynodeb o'r hyn sy'n rhaid i chi ei wneud a'r hyn sydd ar agor o 12 Ebrill.

Cyhoeddwyd gyntaf:
26 Mawrth 2021
Diweddarwyd ddiwethaf:

Beth sy'n rhaid ichi ei wneud

O 12 Ebrill ymlaen, rhaid ichi:

  • gadw at y rheolau cadw pellter cymdeithasol â phobl sydd ddim yn byw gyda chi neu sydd ddim yn eich swigen gefnogaeth
  • gwisgo gorchudd wyneb (os ydych yn gallu) ym mhob lle cyhoeddus dan do
  • peidio â ffurfio aelwyd estynedig (caiff rhai pobl ffurfio swigen gefnogaeth gydag un aelwyd arall)
  • peidio â chwrdd dan do â neb ond y bobl rydych chi’n byw gyda nhw neu sydd yn eich swigen gefnogaeth
  • cyfyngu ar nifer y bobl rydych yn cwrdd â nhw’n gymdeithasol (caiff hyd at chwech o bobl o ddwy aelwyd gwrdd yn yr awyr agored, gan gynnwys mewn gerddi preifat)
  • peidio â theithio dramor heb esgus rhesymol

Beth sy'n gallu agor

  • ysgolion, colegau a darparwyr gofal plant (gofal plant anffurfiol – hanfodol yn unig)
  • sefydliadau addysg uwch (cymysgedd o ddysgu wyneb yn wyneb ac ar-lein)
  • addoldai
  • canolfannau cymunedol – oriau agor cyfyngedig (er enghraifft i ddarparu gwasanaethau cyhoeddus hanfodol)
  • amlosgfeydd
  • parciau chwarae a pharciau cyhoeddus
  • priodasau, mewn lleoliadau sy’n cael agor, ac angladdau (y lleoliad fydd yn pennu nifer y bobl)
  • lleoliadau priodas ar gyfer ymweliadau gan ddarpar gwsmeriaid
  • cyrtiau a chyrsiau chwaraeon awyr agored
  • gwasanaethau cysylltiad agos (fel siopau trin gwallt, salonau harddwch a siopau tatŵs)
  • pob manwerthwr
  • llyfrgelloedd
  • rhai atyniadau awyr agored i ymwelwyr
  • llety hunangynhwysol
  • gweithgareddau awyr agored wedi’u trefnu ar gyfer datblygiad a lles plant

Beth sy'n gorfod cau

  • canolfannau digwyddiadau a chynadledda
  • theatrau a neuaddau cyngerdd
  • atyniadau dan do a’r rhan fwyaf o atyniadau awyr agored i ymwelwyr
  • mannau adloniant
  • derbyniad priodas / te angladd / gwylnos
  • cyfleusterau hamdden a ffitrwydd dan do
  • lletygarwch (heblaw am wasanaeth tecawê a danfon)
  • safleoedd trwyddedig, gwasanaeth tecawê a danfon yn unig, rhwng 6am a 10pm
  • clybiau nos a mannau adloniant i oedolion