Cyfrif carafannau Sipsiwn a Theithwyr: Gorffennaf 2021
Nifer y carafanau Sipsiwn a Theithwyr ar safleoedd awdurdodedig, anawdurdodedig ac awdurdod lleol ar gyfer Gorffennaf 2021.
Efallai na fydd y ffeil hon yn gyfan gwbl hygyrch.
Ar y dudalen hon
Pwyntiau allweddol
Ar 22 Gorffennaf 2021, adroddwyd fod 1,095 o garafannau Sipsiwn a Theithwyr a 143 o safleoedd yng Nghymru.
Rhwng Ionawr 20211 a Gorffennaf 2021, mae cyfanswm nifer y carafannau Sipsiwn a Theithwyr wedi cynyddu 2.8% (30 o garafannau) ac mae cyfanswm nifer y safleoedd (awdurdodedig ac anawdurdodedig) wedi cynyddu 2.9% (4 o safleoedd).
Nodyn
(1) Fel arfer, byddem yn cymharu'r ffigurau diweddaraf â'r mis cyfatebol yn y flwyddyn galendr flaenorol. Fodd bynnag, oherwydd pandemig y coronafeirws, ni chynhaliwyd cyfrifiad carafannau chwemisol Llywodraeth Cymru yng Nghymru ym mis Gorffennaf 2020.
Carafannau yn ôl p’un a awdurdodwyd y safleoedd ai peidio
Adeg cyfrif Gorffennaf 2021, cyfanswm nifer y carafannau Sipsiwn a Theithwyr yng Nghymru oedd 1,095. Roedd 928 o garafannau ar safleoedd awdurdodedig â chaniatâd cynllunio, gan gyfrif am 85% o'r holl garafannau. O'r rhain, roedd 618 (67%) ar safleoedd rhent cymdeithasol a 310 (33%) ar safleoedd a ariennir yn breifat.
Mae Siart 1 isod yn dangos dadansoddiad o’r carafannau yn ôl statws awdurdodedig ac anawdurdodedig.
Roedd 92 o garafannau ar safleoedd anawdurdodedig ar dir a oedd yn eiddo i Sipsiwn a Theithwyr, sy'n cyfrif am 8% o'r holl garafannau. Roedd 75 o garafannau eraill (7% o'r holl garafannau) ar safleoedd anawdurdodedig ar dir nad oedd yn eiddo i Sipsiwn a Theithwyr.
Caerdydd, Sir Benfro, Sir y Fflint a Chastell-nedd Port Talbot oedd â'r cyfanswm uchaf o garafannau; gyda’i gilydd roedd y rhain yn cyfrif am 53% o'r holl garafannau. Casnewydd oedd â'r nifer uchaf o garafannau ar safleoedd anawdurdodedig (49 o garafannau, yn cyfrif am 29% o’r holl garafannau ar safleoedd anawdurdodedig).
Mewn rhai achosion, mae carafannau ar safleoedd anawdurdodedig ond mae'r awdurdod lleol wedi penderfynu peidio â cheisio cael gwared ar y gwersyll. Ym mis Gorffennaf 2021 roedd 97 o garafannau ar safleoedd anawdurdodedig a oddefir. Gwelwyd y nifer fwyaf o'r rhain ym Mro Morgannwg lle'r oedd 30 o garafannau ar safleoedd anawdurdodedig a oddefir. Roedd 70 o garafannau ar safleoedd anawdurdodedig nas goddefir.
Darperir tablau manwl ar lefel awdurdodau lleol yn y tablau cysylltiedig. Cewch fwy o wybodaeth gefndirol ac am ansawdd yn yr adran gwybodaeth am ansawdd a methodoleg. Esbonnir termau sydd ag ystyr arbennig yn yr eirfa.
Lleiniau ar safleoedd awdurdodau lleol
Darparwyd 409 o leiniau ar safleoedd Sipsiwn a Theithwyr gan awdurdodau lleol yng Nghymru ar 22 Gorffennaf 2021. O'r rhain, roedd 407 yn lleiniau preswyl ac roedd 2 yn lleiniau tramwy.
Caerdydd, Sir Benfro a Chastell-nedd Port Talbot oedd â'r nifer uchaf o leiniau a ddarparwyd gan awdurdodau lleol (80, 73 a 67 o leiniau’r un, yn y drefn honno) gan gyfrif am dros hanner cyfanswm nifer y lleiniau (54%). Adroddodd 8 awdurdod lleol nad oedd ganddynt unrhyw leiniau ar 22 Gorffennaf 2021. Ar adeg y cyfrif, roedd 98% o'r lleiniau preswyl wedi'u meddiannu.
Mae Siart 4 yn dangos dadansoddiad dros amser o nifer y lleiniau yng Nghymru.
Gwybodaeth am ansawdd a methodoleg
Gellir dod o hyd i wybodaeth fanwl am ansawdd data a methodoleg yn yr adroddiad ansawdd.
Manylion cyswllt
Ystadegydd: Daniel Boon
Llinell Ymholiadau Cyffredinol
Ffôn: 0300 025 5050
Email: ystadegau.cynhwysiant@llyw.cymru
Cyfryngau: 0300 025 8099
SFR 326/2021