Cyfraddau casglu'r Dreth Gyngor: Ebrill 2017 i Mawrth 2018

Prif bwyntiau

• Yn 2017-18, casglwyd 97.4% o filiau'r dreth gyngor gan awdurdodau bilio, cynnydd o 0.1 pwynt canran.  Dyma’r gyfradd casglu uchaf ers cyflwyno’r dreth gyngor.
• Bu cynnydd blwyddyn ar ôl blwyddyn yng nghyfraddau casglu 12 awdurdod yn 2017-18.
• Cafwyd y gyfradd gasglu uchaf y flwyddyn hon yn  Sir Benfro (98.3%) a’r gyfradd gasglu isaf ym Mlaenau Gwent (93.8%).
• Yr union swm a gasglwyd o safbwynt biliau 2017-18, heb gynnwys cynllun gostyngiadau’r dreth gyngor, oedd £1,454 miliwn allan o’r £1,492 miliwn a oedd yn ddyledus.
• Yn ystod 2017-18, casglwyd £27 miliwn o ôl-ddyledion o ran blynyddoedd blaenorol gan awdurdodau bilio, a chafodd gwerth £7 miliwn eu dileu fel dyledion drwg.
• Y cyfanswm a oedd yn ddyledus ar 31 Mawrth 2018 oedd £87 miliwn, gyda £38 miliwn o’r swm hwn yn ôl-ddyledion yn ystod y flwyddyn.