Cyflawniad academaidd yn ôl nodweddion disgyblion: 2018

Prif bwyntiau

Yn 2018, ar gyfer y Cyfnod Sylfaen a Chyfnodau Allweddol 2 i 4.

• Cyflawniad yn uwch ar gyfer merched.
• Cyflawniad yn uwch ar gyfer disgyblion o gefndir ethnigrwydd Tsieinïaidd neu Brydeinig Tsieinïaidd. Eithriad i hyn oedd yn y Cyfnod Sylfaen, lle'r oedd cyflawniad disgyblion o gefndir Asiaidd neu Asiaidd Prydeinig yn uwch.
• Cyflawniad disgyblion gyda Saesneg fel iaith ychwanegol (SIY) yn uwch ar gyfer disgyblion a oedd yn ‘gymwys’ neu yn ‘rhugl’.
• Roedd gan ddisgyblion gyda lefelau is o Anghenion Addysgol Arbennig (AAA) lefel uwch o gyflawniad academaidd.
• Cyflawniad disgyblion gyda graddau absenoldeb is yn uwch.
• Cyflawniad yn uwch ar gyfer disgyblion wedi’u geni yn gynharach yn y flwyddyn academaidd.
• Mae’r negeseuon allweddol yn gyffredinol yn gyson gyda’r dadansoddiad o flynyddoedd blaenorol.

Nodyn

Mae’r data hwn yn defnyddio data ar lefel disgyblion sy'n cysylltu data ynglŷn â chyrhaeddiad a gwybodaeth am arholiadau yn y Cyfnod Sylfaen ac yng Nghyfnodau Allweddol 2 i 4 â nodweddion disgyblion o'r Cyfrifiad Ysgolion Blynyddol ar Lefel Disgyblion (CYBLD) a’r Cofnod Presenoldeb Disgyblion.

Mae'r data StatsCymru yn cyflwyno detholiad o ddangosyddion. Am ddiffiniadau llawn o'r dangosyddion hyn, cyfeiriwch at y ddogfen Gwybodaeth Ansawdd Allweddol.

Gwybodaeth bellach

Eleni mae'r data wedi'i gyhoeddi ar StatsCymru, heb Ddatganiad Ystadegol cysylltiedig. Mae'r holl ddata a oedd ar gael yn flaenorol wedi'i gyhoeddi. Byddem yn croesawu unrhyw adborth gan ddefnyddwyr ar y dull hwn.