Cyfarfod y Grŵp Cynghori ar Bolisi Masnach: 17 Mawrth 2022

• Aileen Burmeister, Cymru Masnach Deg
• Catherine Smith, Hybu Cig Cymru
• Debbie Laubach, MediWales
• Henry Clarke, RPD Law
• Jerry Lawson, Frog Bikes
• Louisa Petchey, Iechyd Cyhoeddus Cymru
• Nick Pearce, Object Matrix
• Yr Athro. Nick Pidgeon, Prifysgol Caerdydd
• Paul O’Donnell, y Sefydliad Allforio a Masnach Ryngwladol
• Richard Leonard, Fforwm Modurol Cymru

Croesawodd Pennaeth Polisi Masnach Llywodraeth Cymru bawb i'r cyfarfod a gwahoddodd yr aelodau i gyflwyno eu hunain a dweud pa sefydliad roeddent yn ei gynrychioli.

Rhannodd Pennaeth Polisi Masnach Llywodraeth Cymru yr wybodaeth ddiweddaraf am drafodaethau ar Gytundeb Masnach Rydd Llywodraeth y DU gan gynnwys Awstralia, Seland Newydd, Partneriaeth Gynhwysfawr a Blaengar y Môr Tawel, Canada, India a’r Ynys Las.

Cafwyd trafodaeth bord gron i ddilyn a oedd yn canolbwyntio ar drafodaethau’r DU ag India. Roedd wedi'i rannu'n dri phwnc:

• Allforio a Mewnforio
• Newid Hinsawdd ac Iechyd y Cyhoedd
• Cydraddoldeb a Hawliau Dynol

Roedd y trafodaethau’n cwmpasu:

Allforio a mewnforio: cyfleoedd a rhwystrau

• Dylanwad y gwrthdaro rhwng Wcráin a Rwsia ar drafodaethau.
• Lleihau tariffau.
• Pwysigrwydd tegwch yn y farchnad i fusnesau a sectorau Cymru.
• Cyfleoedd ar gyfer llaeth a chig coch – gan gynnwys marchnad fwyd o'r radd flaenaf ar gyfer cig oen Cymru.
• Cyfleoedd i weithgynhyrchwyr o Gymru yn y farchnad cerbydau trydan.
• Cydnabod a derbyn cymwysterau proffesiynol.
• Heriau technegol presennol megis rheolau a rheoliadau gwahanol mewn rhannau gwahanol o India.
• Asesiadau cydymffurfio/cydnabyddiaeth gilyddol.
• Pwysigrwydd eiddo deallusol – gan gynnwys cig oen Cymru; yr angen i ystyried ymagwedd at eiddo deallusol mewn meysydd fel hadau a chyffuriau generig a brechlynnau.

Newid hinsawdd ac iechyd y cyhoedd

• Sut gall Cymru daro cydbwysedd rhwng bod yn genedl sy’n gyfrifol yn fyd-eang a manteisio ar gyfleoedd allforio? Cenedlaethau'r dyfodol a nodau llesiant.
• Pwysigrwydd eiddo deallusol o ran cyfleoedd ar gyfer bioeconomi a chynhyrchu hydrogen.
• Tariffau Amgylcheddol; datrys anghydfodau a thargedau amgylcheddol.
• Iechyd y cyhoedd – mynediad at ymchwil; recriwtio gweithwyr gofal iechyd proffesiynol; yr effaith ar waith lleol; asesiadau o'r effaith ar iechyd ac ymgysylltu â rhanddeiliaid.

Cydraddoldeb a hawliau dynol

• Safonau Llafur.
• Cyfleoedd i fusnesau yrru safonau mewn perthynas â grymuso menywod, newid hinsawdd a safonau llafur.